• USD 424.85

  • EUR 504.21

  • RUB 5.84

  • CNY 65.86

19 Qazan, 17:51:50
Almaty
+15°

Bilim jáne ǵylym mınıstri Ashat Aımaǵambetov sybaılas jemqorlyqqa qarsy is-qımyl agentigine bergen suhbatynda bilim salasyna engizilgen ózgerister týraly aıty.

Vedomstva basshysy muǵalimderdi jumysqa budan bylaı mektep dırektorlary qabyldamaıtynyn, jumysqa turý ashyq konkýrs arqyly ótetinin aıtty. 

– Túrli alyp-qashpa sózder bar. Shyndyqty bárimiz bilemiz. Mundaı máselelerdiń, mundaı táýekelderdiń baryn bilemiz jáne moıyndaýymyz kerek. Buryn ár mekteptiń basshysy muǵalimdi jumysqa qabyldaǵanda ózi jeke derbes sheshim qabyldaıtyn. Endi mundaı táýekelderdiń aldyn alý úshin zańnamaǵa ózgerister engizdik. Endi jumysqa muǵalimderdi dırektorlar qabyldamaıdy, konkýrspen qabyldanady. Eger bos jumys orny bolatyn bolsa ol orynǵa tıisti jarnama berip, habarlaıdy. Sol habarlama boıynsha onyń naqty jalaqysy qandaı jáne naqty atqaratyn qyzmeti, oǵan qoıylatyn talaptar da kórsetiledi. Osyǵan oraı úmitkerler qujattaryn tapsyrady. Onyń bári konkýrstan ótip, tıisti ózine tán qasıetteri, quzyrettiligine, bilimdiligine, biliktiligine sáıkes tıisti komıssııa sheshim qabyldap, mektepke eń myqty, bilimdi degen muǵalimder kelý kerek. Osy mehanızmdi biz bilim týraly zańǵa endi. Endi osy normany iske asyrý úshin tıisti mınıstrliktiń buıryǵyn daıyndap jatyrmyz. 1-2 jumanyń ishinde buıryqqa qol qoıamyn. Qol qoıylǵannan keıin bul iske asady, – dedi Aımaǵambetov.

Mınıstrdiń sózinshe, ýnıversıtetti bitirgen jas pedogogtar dıplom alysymen birden mektepke jumysqa tura almaıdy. Olar ulttyq biliktilik testin tapsyryp, tıisti ball jınaýy qajet. 

– Bıylǵy jyldan bastap ýnıversıtetterdi bitirgen bizdiń bolashaq pedogogter mektepke barý úshin sertıfıkattaý rásiminen ótýi kerek. Olar ulttyq biliktilik testin tapsyrady.Tıisti ball alatyn bolsa ǵana qaı mektepke turǵysy kelse, sol mektepke barady. Sosyn sol mekteptegi komıssııaǵa sabaq júrgizedi. Bul ekinshi etap. Sonyń nátıjesi boıynsha oǵan pedagog degen kvalıfıkasııa beriledi. Sol mektepte jumys isteýge múmkindik alady, – dedi mınıstr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir