• USD 468.56

  • EUR 497.56

  • RUB 7.3

  • CNY 67.18

29 Naýryz, 01:54:43
+35°

Foto: Halyk bank baspasóz qyzmeti

Qoǵamdyq oryndarǵa kirý úshin endi Ashyq servısi bar Halyk Homebank qosymshasyn paıdalanýǵa bolady. Joba Qazaqstan Respýblıkasynyń sıfrlyq damý, ınnovasııalar jáne aeroǵarysh ónerkásibi mınıstrligimen birlesip iske asyryldy. Qazirgi ýaqytta fýnksıonal Android paıdalanýshylary úshin qoljetimdi, iOS paıdalanýshylary úshin – jaqyn arada paıda bolady.

– Ashyq servısiniń Halyk Homebank qosymshasynda paıda bolýy – bizdiń tanymal qosymshamyzdy qoldanatyn 6,5 mıllıonnan astam el azamaty densaýlyǵyna qaýip tóndirmeı qoǵamdyq oryndarǵa barý múmkindigin aldy degen sóz. Joba QR sıfrlyq damý, ınnovasııalar jáne aeroǵarysh ónerkásibi mınıstrligimen birlesip iske qosyldy. Memlekettik organdarmen osyndaı birlese atqarǵan jumys jáne Halyk Bank-te iske qosylatyn tehnologııalardyń arqasynda bizdiń klıentterimizdiń múmkindikteri únemi keńeıip otyrady. Halyk Homebank qosymshasyn jáne oǵan biriktirilgen Ashyq servısin paıdalana otyryp, qazaqstandyqtar súıikti oryndaryna kedergisiz bara alady", – deıdi Halyk Bank Basqarma tóraıymy Úmit Shaıahmetova.

Innovasııalar jáne aeroǵarysh qyzmeti sıfrlandyrý mınıstri Baǵdat Mýsın mınıstrliktiń pandemııa kezinde bızneske kóbirek múmkindik berý jáne halyq arasynda juqtyrý qaýpiniń tómendeýine yqpal etýge degen nıetin Halyk Bank basshylyǵy qoldaǵanyn jetkizdi.

– Endi Ashyq servısin Halyk Homebank qosymshasynda qoldanýǵa bolady. Banktiń bıznesti qoldaý týraly bizdiń usynysymyzdy qabyldaǵany joǵary áleýmettik jaýapkershiligin bildiredi! Iri kommersııalyq qurylymdarmen yntymaqtastyq memlekettik qyzmetterdiń usynylýyn jańa deńgeıge shyǵarýǵa múmkindik beredi, – dep atap ótti ol.

Halyk Homebank qosymshasynda Ashyq servısin qosý jáne óshirý múmkindigin engizilgen. Eger klıent Ashyq servısin qoldanamyn dep sheshim qabyldasa, onda qajetti mekemege barý kezinde Halyk Homebank qosymshasyn ashyp, fýnksıonaldy qosyp jáne mekemeniń kire berisinde ornalasqan Ashyq baǵdarlamasynyń QR-kodyn skanerleý qajet. Nysanǵa kirýge ruqsat beretin tıisti mártebe kórsetilgennen keıin mekeme qyzmetkerine kirýge ruqsat mártebesin kórsetý qajet.

Halyk Homebank qosymshasy arqyly QR sáıkestendirýdi qajet etpeı-aq kez kelgen ýaqytta óz mártebesin tekserýge múmkindik beredi. Ol úshin Halyk Homebank qosymshasyna kirip, basty bettegi Ashyq bólimin tańdaý qajet. Qoǵamdyq oryndarǵa kirýge ruqsat beretin nemese shekteıtin mártebe smartfon ekranynda kórsetiledi.

Qazirgi ýaqytta qosymshada berilgen mártebeniń 4 deńgeıi bar:

Qaýipsiz – eshqandaı shekteýler joq, PTR testi teris;

Beıtarap - Shekteýler tek PTR synaǵy qajet etetin jerlerde ǵana;

Baılanys – obektilerge barýdy ishinara shekteý

Juqtyrǵan – qoǵamdyq oryndarǵa barýǵa ruqsat etilmeıdi. PTR synaǵy oń.

Servısti paıdalaný úshin Halyk Homebank qosymshasyn jańartý kerek.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir