• USD 415.12

  • EUR 443.06

  • RUB 7.41

  • CNY 62.21

26 Mamyr, 19:46:45
Almaty
+25°

AQSh prezıdenti D.Baıden men Reseı prezıdenti V.Pýtın/fotokollaj

Keshe Reseı prezıdenti Pýtın "Nordstrım-2" qurylysy aıaqtaldy dep málimdedi. Osyǵan Ýkraınadaǵy keı reseıshil azamattar óre túregeldi – áne, qurylys aıaqtaldy, endi Ýkraına gazsyz qalatyn boldy, oıbaı endi qaıttik? Qurydyq. t.s.s.

Bizdiń Qazaqstanda Máskeýge búıregi buratyndar jeterlik: – Áne, aıttym ǵoı, Pýtın salamyn dedi – saldy, qansha sanksııa salsa da RF-nyń dymy ketpeıdi, rýbl kúsheıip keledi, Baıdendiki balanyń oıyny bolyp ketti, Germanııaǵa sanksııa salmady, t.s.s.

Endi shyndyq qandaı? Qurylys áli aıaqtalǵan joq. Áli 100 shaqyrym qubyr tartylýy kerek. Jaraıdy, tartylsyn-aq delik, sebebi sanksııa salynǵan reseılik kompanııalar ázirge sanksııanyń saldary jetip úlgergenshe qurylysty aıaqtaýy da múmkin, ony joqqa shyǵarýǵa bolmaıdy. Biraq endi osy qurylysty eksplýatasııaǵa tapsyrýy kerek qoı. Jaraıdy, komıssııa múshelerin aqshamen satyp alsa da qurylysty tapsyrdy eken delik, sebebi komıssııa músheleriniń kóbi reseılikter bolýy múmkin. Biraq endi qurylysty sertıfıkattaý kerek qoı? Al ol eýropalyqtar. Aıtqandaı, Pýtınge jaýap retinde Eýrokomıssııa da búgin qurylystyń áli aıaqtalmaǵanyn jarııalady.

Al Baıdenge kelsek, ol nege Germanııa ınvestorlaryna sanksııa salmaıdy? Onyń sebebi – ol Germanııamen janjaldasqysy kelmeıdi. Tramp pen Pýtın Eýropa elderin bólshektep Eýroodaqty da, NATO-ny da taratýǵa tyrysty, ol úshin ártúrli janjaldar uıymdastyryp otyrdy. Baıden kelisimen osy aradaǵy jikti, salqyndyqty joıýǵa tyrysty jáne ol qolynan keldi de. Batys qaıtadan birtutas bolyp birige bastady, sonyń arqasynda olar sınhrondy túrde birlesip birese RF-ǵa, birese Belarýske, birese Qytaıǵa sanksııa sala bastady. Báribir aldaǵy kúzde jumystan ketkeli otyrǵan Merkelmen shekisip jatqysy kelmeıdi Baıdenniń. Al kúzde jańa kanslermen saıasattyń basqasha bolýy da múmkin.

Qýanysh Edilhantegi

Halyqaralyq sholýshy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir