• USD 424.85

  • EUR 504.21

  • RUB 5.84

  • CNY 65.86

19 Qazan, 19:01:37
Almaty
+13°

Elimizde volonterlerge arnalǵan «Jastar-Otanǵa!» respýblıkalyq syılyǵy taǵaıyndaldy. Atalǵan syılyq jyl saıyn eń belsendi eriktiler, mesenattar men qoǵamdyq uıymdarǵa beriletin bolady. Bul týraly «Nur Otan» partııasy Tóraǵasynyń birinshi orynbasary Baýyrjan Baıbek volonterlermen ótkizgen onlaın-kezdesýden soń jarııalaǵan Facebook-tegi jazbasynda aıtty.

Qazirgi kezde volonterlik trendtik qubylys retinde qoǵam ómirine nyq enip otyrǵanyn aıtqan Baýyrjan Baıbek muqtajdarǵa óteýsiz kómek kórsetý úshin birigýge umtylatyn janashyr azamattardyń qatary artqanyn alǵa tartty.

«О́zderińiz biletindeı, Elbasy Nursultan Nazarbaev 2019 jyldy – Jastar jyly dep jarııalaı otyryp, volonterlikti jan-jaqty damytý qajettigine erekshe nazar aýdardy: «Búkil álemde jastar – eriktilik pen qaıyrymnyń qýatty resýrsy, al volonterlik – jastardyń eńbek naryǵyna jyldam beıimdelýi men olardyń óz qabiletterin ári qaraı iske asyrýyna yqpal etetin tıimdi tetik».

El Prezıdenti Qasym-Jomart Kemeluly Toqaevtyń 2020 jyldy Volonter jyly dep jarııalaýy volonterliktiń ulttyq aýqymda damýyna júıeli serpin berdi. Memleket basshysy «Birgemiz» respýblıkalyq volonterlar front-ofısin tikeleı ózi kelip ashyp, Qazaqstandaǵy volonterlar qozǵalysynyń qurmetti elshisi boldy.

Foto: qamshy.kz

Tıisti yntalandyrý tetikterin qurý, zańnamalyq bazany jetildirý, volonter stýdentterdiń stıpendııalaryn 30%-ke kóterý belsendi jastardyń jer-jerde ár túrli volonterlik uıymdarǵa birigýine jol ashty. El Prezıdenti aıtqandaı, «janashyr azamattary kóp memlekettiń bolashaǵy da jarqyn bolmaq. Eriktiler qyzmeti barsha azamattarymyzǵa úlgi bolyp, ulttyń jańa sapasyn qalyptastyrýǵa jol ashady», - dedi partııa Tóraǵasynyń birinshi orynbasary.

Onyń aıtýynsha, el basshylyǵynyń bastamasyn «Jas Otan» alǵashqylardyń biri bolyp qoldaǵan. Partııanyń jastar qanaty Arys pen Maqtaaraldaǵy apattardyń saldarlaryn joıýǵa belsene atsalysty.

«О́tken jylǵy pandemııanyń birinshi tolqyny kezinde 5 myń jasotandyq Elbasy bastamashylyq etken «Biz Birgemiz!» jalpyulttyq aksııasy aıasynda halyqtyń áleýmettik osal toptaryna ataýly kómek kórsetti. Búkil óńirler boıynsha 320 myń otbasy azyq-túlik sebetteri men gıgıenalyq quraldar jıyntyǵyn aldy. Bıylǵy sáýir aıynda jasotandyqtar 3 myń medısına qyzmetkerine «Alǵys paketterin» taratýdy uıymdastyrdy. Sonymen qatar, Rıdder qalasynda órtten zardap shekkenderge kómek kórsetýge alǵashqylardyń biri bolyp 80-nen astam volonter tikeleı qatysty», - dedi ol.

Kezdesýde el kóleminde 15 myń volonterdi biriktirip otyrǵan «Biz Birgemiz!» qozǵalysynyń qatysýshylary ózderiniń bıylǵa arnalǵan jobalarymen tanystyryp, óńirlerde volonterlik jelini keńeıtý týraly josparlarymen bólisti. Táýelsizdiktiń 30 jyldyǵyna oraı eriktiler «30 ıgi is» respýblıkalyq aksııasyna bastamashy boldy.

Sondaı-aq, osy jıyn barysynda «Jastar-Otanǵa!» baǵdarlamasyn júzege asyrý úshin arnaıy Jol kartasy bekitilgeni belgili boldy.

Foto: qamshy.kz

«Volonterlikti damytý – 2025 jylǵa deıingi «Jastar-Otanǵa!» baǵdarlamasynyń da basty basymdyqtarynyń biri. Osydan 3 kún buryn partııanyń Saıası keńesi Bıýrosynyń sheshimimen atalǵan baǵdarlamany iske asyrý boıynsha Jol kartasy bekitildi. Taıaý kúnderi «Nur Otan» partııasy fılıaldarynyń bıýrolary 216 óńirlik jol kartasyn bekitedi. Osylaısha, partııa men «Jas Otan» jastarǵa qatysty berilgen saılaýaldy ýádelerdi sapaly oryndaýǵa den qoısa, al Májilis pen máslıhat múshelerinen quralǵan Jas depýtattar korpýsy baǵdarlamalardyń iske asyrylý barysyn jiti qadaǵalamaq. Atap aıtqanda, aldaǵy 5 jyl ishinde 35 jasqa deıingi 4,5 mıllıonnan astam jas qazaqstandyqty qamtıtyn 6,5 myń is-sharany júzege asyryp, 3,5 myńnan astam ındıkatorǵa qol jetkizý josparlandy. Bul rette, sapaly bilim, jumysqa ornalastyrý, qoljetimdi baspana, azamattyq belsendilikti arttyrý, tulǵalyq damý men bos ýaqyt máseleleri basty nazarda. Basymdyq berilgen kórsetkishter qatarynda 2025 jylǵa qaraı volonterlikke 100 myńnan astam adamdy tartý mindeti taǵy bar», - dedi Baýyrjan Baıbek.

«Jas Otan» men «Biz Birgemiz!» qozǵalysynyń aldynda elimizde qyzmet etip jatqan barsha volonterlik uıymdarmen ózara seriktestik is-qımyldy damytý boıynsha mańyzdy mindetter turǵany aıtyldy.

Sonymen qatar, partııa Tóraǵasynyń birinshi orynbasary «Nur Otan»-nyń eriktilerge aldaǵy ýaqytta da qoldaý kórsetetinin aıta kele, olarǵa jyl saıyn beriletin arnaıy syılyqtyń taǵaıyndalatynyn jetkizdi.

«Maqsaty aıqyn, naqty ister partııasy retinde «Nur Otan» jastardyń bastamalaryn qýattaı otyryp, volonterlarǵa ári qaraı da qoldaý kórsete beredi. Bul úshin biz jyl saıyn beriletin «Jastar-Otanǵa!» respýblıkalyq syılyǵyn taǵaıyndaımyz. Jyl sońynda eń belsendi eriktiler, mesenattar men qoǵamdyq uıymdar 5 nomınasııa boıynsha marapattalatyn bolady», - dedi ol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir