• USD 468.56

  • EUR 497.56

  • RUB 7.3

  • CNY 67.18

07 Aqpan, 03:31:55
Almaty
-2°

Búgin májilis spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar memleket basshysynyń tapsyrmasymen ázirlengen jer qatynastaryn damytý týraly zań jobasyn maquldady.

Nurlan Nyǵmatýlın jerdi paıdalaný men qorǵaýdy baqylaý zań deńgeıinde kúsheıetinin alǵa tartty.

– Bul qujat memleket basshysy Qasym-Jomart Kemeluly Toqaevtyń tikeleı tapsyrmasymen ázirlendi. Osy zań jobasy boıynsha, eń aldymen, halqymyzdyń nazarynda júrgen óte mańyzdy jer máselesi boıynsha naqty sheshim qabyldandy. Eń bastysy, aýyl sharýashylyq maqsatyndaǵy jerlerdi jalǵa berý zańmen bekitildi. Osy máselege qatysty qoǵamda ártúrli pikirler, ártúrli oılar aıtyldy, – dedi ol.

Jalpy, zań jobasynda jerdi jekemenshikke berý 5 jylǵa toqtatylady.

Májilis tóraǵasy atap ótkendeı, qazaqstandyqtardyń aýyl sharýashylyqqa baǵyttalǵan jerlerin memleketten satyp almaı, jalǵa berý quqyǵyn ıelikten shyǵarý múmkindigi qarastyrylǵan.

Osy rette, palata spıkeri jalpy zań jobasy jeke mal jaıý úshin qajetti jaıylym tapshylyǵyn sheshýge yqpal etip, sondaı-aq jer ýchaskeleri boıynsha aqparattyń qoljetimdiligi men ashyqtyǵy da kúsheıetinin atap ótti.

Májilistiń baspasóz qyzmeti

"Qamshy" silteıdi
Ilmek sózder: májilis jer máselesi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir