Foto: Vıdeodan skrınshot
Almaty – Nur-Sultan reısi ushaǵynda jolaýshy janjal shyǵardy, dep habarlady FlyArystan baspasóz qyzmeti.
Oqıǵa 30 mamyrda bolǵan. Janjaldyń shyǵýyna jolaýshynyń avıakompanııa qyzmetkerleri talabyn oryndamaǵany jáne tasymaldaý erejelerin saqtamaǵany sebep bolǵan. Jolaýshy ashý-yzamen qyzmetkerdi ıterip, bortqa kirgeni anyqtaldy.
"Janjal shyǵarǵan jolaýshyny ushaqtan shyǵarýǵa baılanysty reıs keshikti. Jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reıske jiberilmeıtini týraly eki márte eskertildi. О́ıtkeni tasymaldaý erejelerine sáıkes bortqa bir qol júgi bar jolaýshylar ǵana jiberiledi" delingen habarlamada.
Kompanııanyń baspasóz qyzmeti bul oqıǵanyń basqa jolaýshylarǵa qolaısyzdyq týǵyzǵanyn atap ótti.
"Avıakompanııa erejelerin saqtamaǵan jaǵdaıda biz avıasııalyq qaýipsizdik rásimderin ustanýǵa májbúrmiz. Jolaýshyny borttan shyǵarǵan kezde biz áýe kemesi men jolaýshylardy qaıta tekserýge tıispiz" dep atap ótti FlyArystan-nyń baspasóz qyzmeti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir