• USD 468.56

  • EUR 497.56

  • RUB 7.3

  • CNY 67.18

07 Aqpan, 01:48:33
Almaty
-2°

Prezıdent Qasym-Jomart Toqaev Shyǵys Qazaqstan oblysynyń ákimi Danıal Ahmetovti qabyldady, dep habarlady Aqorda saıty.

Saıt málimetinshe, oblys ákimi prezıdentke Shyǵys Qazaqstan oblysynyń jyl basynan bergi áleýmettik-ekonomıkalyq damýy jóninde esep bergen.

"Kezdesý barysynda óńirdiń ınfraqurylymdyq damý máselelerine erekshe nazar aýdaryldy. Qasym-Jomart Toqaevqa Buqtyrma sý qoımasy arqyly ótetin kópirdiń qurylysy boıynsha berilgen tapsyrmalarynyń oryndalýy, sondaı-aq Semeı qalasyndaǵy júk tasıtyn kólikterge arnalǵan kópirdiń qaıta jóndelý barysy baıandaldy. Sonymen qatar Danıal Ahmetov prezıdentke О́skemen jáne Úrjar qalalaryndaǵy áýejaılardy qaıta jóndeý jumystary týraly aqparat berdi. Áýejaılardy jańǵyrtý jumystary bıyl jyl sońyna deıin aıaqtalady" delingen habarlamada.

Kezdesýde Qasym-Jomart Toqaev halyqtyń áleýmettik az qamtylǵan tobyna arnalǵan turǵyn úıler men ınfraqurylymdardyń qurylysyn jyldamdatý qajet ekenin aıtty. Ákimniń aıtýynsha, 2020 jyly jaǵdaıy tómen jáne kópbalaly analarǵa 1049 páter men úı berilse, al osy jyldyń sońyna deıin olarǵa qosymsha taǵy 1125 baspana beriledi.

Kezdesýde kóterilgen taǵy bir másele – agrarlyq sektordyń eksporttyq áleýetin nyǵaıtý perspektıvalary. Ahmetov Toqaevqa jylyna 300 myń tonna ónim shyǵaratyn maıly daqyldardy qaıta óńdeý zaýytyn iske qosý jáne aýyl sharýashylyǵy ónimderiniń óndirisin odan ári keńeıtý josparyn tanystyrdy.   

Sondaı-aq óńirdiń ındýstrıaldy-ınnovasııalyq damý máseleleri sóz boldy. Danıal Ahmetov Aqtoǵaı taý-ken baıytý kombınaty qurylysynyń ekinshi kezeńi týraly málimet berdi.

Prezıdent kezdesý qorytyndysy boıynsha Shyǵys Qazaqstan oblysynyń ákimine birqatar tapsyrma berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir