Foto: Tótenshe jaǵdaı mınıstrliginiń baspasóz qyzmeti
Olardyń joǵalǵany týraly habarlama 112 pýltine 2021 jylǵy 25 mamyrda saǵat 18:30-da kelip túsken. 21 mamyrda týrıster "Sary-Aıǵyr" shatqalyna jaıaý bet alǵan. Qutqarýshylarǵa habarlasqan adamnyń aıtýynsha, olar 24 mamyrda úıge oralýy kerek edi.
TJM resmı ókili Talǵat Ýálıdiń aıtýynsha, ótken táýlikte izdestirý toptary 37 shaqyrymǵa jýyq taýly aımaqty jaıaý aralap, eki pılotsyz ushý apparaty arqyly 4 shaqyrym radıýsta ushý júrgizilgen.
– Izdestirý jumystaryna Túrkistan oblysy TJ departamentiniń 25 qutqarýshysy, 2 kvadrakopteri jáne 7 tehnıkasy jumyldyryldy. Sondaı-aq polısııa departamentiniń 4 qyzmetkeri men 1 tehnıkasy, jergilikti atqarýshy organdardyń 2 qyzmetkeri men 1 tehnıkasy, UQK Shekara qyzmetiniń 3 at patrýli, ulttyq parktiń 10 qyzmetkeri men joǵalǵandardyń týystary izdestirýge atsalysýda. Aýa raıynyń qolaısyzdyǵyna (tuman, ala bult, taýly jerlerdegi naızaǵaı) baılanysty «Qazavıaqutqarý» AQ tikushaǵyn Shymkent qalasynan áýege kóterý múmkin emes, – deıdi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir