Almatydaǵy epıdemıologııalyq jaǵdaı. Bekshın málimdeme jasady

Epıdemıologııalyq jaǵdaıly baǵalaý matrısasyna sáıkes Almaty qalasy áli de "qyzyl" aımaqta tur. Bul týraly qalanyń bas sanıtar dárigeri Jandarbek Bekshın onlaın baspasóz-konferensııa barysynda aıtty.

– Qaladaǵy epıdemıologııalyq jaǵdaı áli qaýyrt kúıde qalyp otyr. 26 mamyrdaǵy epıdemıologııalyq jaǵdaıdy baǵalaý matrısasynda Almaty qalasy áli de koronavırýstyń "qyzyl" aımaǵynda. Mamyr aıynyń sońǵy aptasynda jaǵdaı turaqtalyp, aýrýdy juqtyrý faktisi tómendeýi baıqalady. Sáýirde 700 jaǵdaı, al ótken táýlikte 290-300 jaǵdaı tirkeldi. Sımptomatıkalyq naýqastardyń ósýi baıaýlady: mamyr aıynyń ortasynda 98%-dan 88%-ǵa azaıdy, – dedi Bekshın.

Ol bıylǵy jyldyń 9 naýryzynda bastalǵan COVID-19 mýtasııalanǵan shtamdary týdyrǵan koronavırýstyń úshinshi tolqynynyń tómendeýi kelesi alǵysharttarǵa baılanysty ekenin jetkizdi:

• Infeksııanyń taralýyn mekemelerde jáne qoǵamda qabyldanǵan shekteý sharalarymen shekteý;
• Qalada shamamen 20 paıyzdyq ımmýndyq qabattyń paıda bolýy (vaksınasııadan 14,8% + sońǵy 6 aıda qalpyna kelgenderdiń 5%)

– Sońǵy eki aptada naýqastardyń jas quramyn taldaý nátıjesinde COVID-19-ǵa qarsy ımmýndaýmen baılanysty keıbir ózgerister anyqtaldy. 40-59 jastaǵy jáne 60 jastan asqan azamattar arasynda aýrý azaıdy.

Qurmetti qala turǵyndary, vaksınasııa – epıdemıologııalyq jaǵdaıdy turaqtandyrýdyń jáne shekteý is-sharalarymen qatar, halyqtyń qalypty ómirine oralýdyń jalǵyz tıimdi tásili bolyp qala beredi. Osy maqsatqa jetý úshin barlyq bólimder men turǵyndardyń kelisimi qajet, – dep atap ótti bas sanıtar dáriger.