QR IIM Akademııasy: Polısııa men teatr arasy jaqyndaı tústi

Jýyrda  Ishki ister mınıstrligi Almaty akademııasynyń ujymy men joǵary akademııalyq basshylyqty daıarlaý fakýltetiniń tyńdaýshylary Muhtar Áýezov atyndaǵy Qazaq ulttyq drama teatryna Gogoldyń ataqty "Úılený" komedııasyna baryp, kórermen qatarynda bolyp qaıtty. 

Bul sharanyń quqyq qorǵaý organdarynyń ókilderine bereri kóp ekeni sózsiz. Akademııa basshylyǵy teatr sahnasyndaǵy sańlaq akterlerdiń ónerin tamashalap qoımaı, akademııalyq teatr men IIM Almaty akademııasy arasyndaǵy yntymaqtastyq týraly memorandýmǵa da qol qoıyp, aldaǵy ýaqytta ózara baılanystardyń jalǵasa beretinine senim artty.

Memorandýmǵa baılanysty uly akter, "Atamannyń aqyry" fılmindegi Shadııarovtyń rólimen-aq bútindeı bir urpaqty patrıotızmge tárbıelegen Asanáli Áshimov "Sonsha jyl teatrda istep júrip mynadaı keremet bastamany kórgen joqpyn. Akademııa basshylyǵyna rahmet" dep aǵynan jarylyp, ishki ister qyzmetine abyroı tilep, izgi nıetin bildirdi.

Al kórermenge "Úılený" qoıylymy óte unady. Akterlerdiń sheberlikterine tánti bolyp, uzaq ýaqyt qol shapalaqtap, qoshemet kórsetti.

Qoıylym sońynda akademııa bastyǵy Aıdar Saıtbekov ishki ister mınıstri Erlan Turǵymbaevtyń atynan óner tobyna yqylas gúlin syılap, alǵysyn aıtty. Sonymen qatar ótken mádenıet kúnine oraı teatrdyń birneshe qyzmetkerlerine alǵys hat pen sývenırler tabys etti.

Eń bastysy, spektaklge jınalǵan kórermen de rýhanı qundylyqqa toly shyǵarmashylyqqa qanyǵyp qaıtty. Akterlerdiń sheber oıyny men qyzyqty dıalogtar komedııaǵa ózindik nár berip, kórermenge jaqsy kóńil-kúı syılady.