AQSh Reseıdi masqara etip mazaqtap otyr – halyqaralyq sholýshy

AQSh prezıdenti Baıden Reseı basshysy Pýtınmen kezdeser aldynda kezekti salto jasaýyn qoıar emes – ol taǵy da keshe Nordstrım-2 gaz qubyryna sanksııa saldy. Ádette eki el arasyndaǵy qarym-qatynas jaqsarýy úshin qarsy taraptar bir-birine jylyshyraılyq tanytyp, keıbir vızavıge jaqpaıtyn qylyqtardan bas tarta turýyna bolar edi, alaıda AQSh pen RF jaǵdaıynda olaı bolmaı tur. 

Munyń sebebi mynada dep oılaımyn – AQSh RF-ny shyndyǵynda masqara etip mazaqtap otyr. Birinshiden, mundaı kezdesý Baıdenge emes, Pýtınge kerek. О́zin AQSh-pen teń dárejede sóılese alatyn fıgýra etip kórsetý úshin. Sol úshin de ol áskerin Ýkraına shekarasyna shoǵyrlandyryp, úlken soǵysty áne bastaımyn, mine bastaımyn dep qorqytty. Shyndyǵynda terrorlyq áreketterge bardy. Reseıden bárin de kútýge bolatynyn sezgen Baıden Pýtındi kezdesýge shaqyrdy. Pýtınniń de kútkeni sol eken, birden kelisimge kelip, endi bolashaq kezdesýde ne aıtatynyn talqylaı bastady. Árıne, onysyn bildirmeýge tyrysyp birneshe kúnge sheıin jaýap bermeı júrdi. Biraq Pýtındi ábden zerttegen Baıdennen qýlyq artylǵan ba – kózdegen nysanasyna dál tıgizgenin bilse de ol da bilmegen bolyp óz isimen aınalysa berdi. Aqyry Máskeý shydamaı kezdesýge qyzý daıyndala bastady...

Negizi mynadaı sanksııadan keıin RF burqan-talqan ashýlanyp, kezdesýden bas tartýy kerek qoı? Alaıda bir táýlik ótse de Máskeý tarapynan ázirge ún joq! Muny Máskeýdiń jeńilisi dep baǵalaǵannan basqa ne deýge bolady? Qaıda álgi sımmetrııalyq jaýaptary?

Sonymen, AQSh Qarjy mınıstrligi Nordstırm 2-ge qandaı sanksııa qoldandy?

Qara tizimge mynadaı uıymdar engizildi:

Memlekettik federaldyq bıýdjettik "Morskaıa spasatelnaıa slýjba" mekemesi;

OOO "Mortransservıs".

"Samarskıı teploenergetıcheskıı ımýshestvennyı fond" AQ.

"Koksohımtrans".

Sondaı-aq Nordstrım-2 qurylysyna qatysyp jatqan 13 kemege sanksııa salyndy. Olar mynalar:

"Akademık Cherskıı".

"Baltııskıı ıssledovatel".

"Spasatel Karev".

"Iýrıı Topchev".

"Vladıslav Strıjov".

"Artemıs Offshor".

"Bahtemır".

"Fınval".

"Kapıtan Beklemıshev".

"Mýrman".

"Narval".

"Sıvých".

"Ýmka".

Qýanysh Edilhantegi

Sholýshy