• USD 468.56

  • EUR 497.56

  • RUB 7.3

  • CNY 67.18

29 Naýryz, 01:23:19
Almaty
+35°

"Debattar" jobasyna da barlyq bilim berý uıymynda basa mán berilýi tıis. Bul týraly debat oıyndarynyń belsendi qatysýshylarymen kezdesýde bilim jáne ǵylym mınıstri Ashat Aımaǵambetov aıtty.

"Vedomstvo basshysy Ashat Aımaǵambetov elimizde oqýshylar men stýdentter arasyndaǵy debat qozǵalysy qaıta jandanyp jatqanyn jáne debattar mektep, kolledj, joǵary oqý oryndaryndaǵy tárbıe jumysynyń ajyramas bóligine aınalatynyn atap ótti. Kezdesýge respýblıkanyń barlyq aýdany men qalasynan debat úılestirýshileri, bilim basqarmalarynyń basshylary, joǵary oqý oryndarynyń prorektorlary, mektep jáne stýdenttik debat klýbtarynyń belsendi debaterleri shaqyryldy" delingen habarlamada.

Debatty oıyn retinde emes, bilim berý tehnologııasy dep qabyldaýymyz qajet. Sondyqtan bul qozǵalysty belsendi túrde damytyp jatyrmyz. Biz Qazaqstanda debat qozǵalysyn damytý tujyrymdamasyn jáne oqýshylar men stýdentter arasynda debat týrnırlerin ótkizý qaǵıdalaryn ázirledik. Mınıstrliktiń "Oqýǵa qushtar mektep", "Mekteptegi jáne stýdenttik ózin-ózi basqarý" sııaqty jobalarymen birge "Debattar" jobasyna da barlyq bilim berý uıymynda basa mán berilýi tıis, – dedi Aımaǵambetov.

Sondaı-aq mınıstr stýdenttik jyldary ózi de debat oıyndaryna belsendi qatysqanyn aıtyp ótti.

-Debat adam boıynda mańyzdy daǵdylardy qalyptastyrady. Máselen, bul tájirıbe maǵan kóp paıdasyn tıgizdi jáne qazir jumys barysynda da kómektesedi. Sondyqtan balalardyń synı oılaý qabiletin damytý, komandada jumys isteýge baýlý, suraqtarǵa jaýap berý, óz pikirińdi dáleldeý, balalardyń óz oılaryn durys tujyrymdaýy úshin bizge osy bilim berý tehnologııasyn belsendi qoldaný qajet, – dedi ol.

Sonymen qatar Ashat Aımaǵambetov debat qozǵalysynyń damýy qaǵaz júzinde bolmaýy tıis ekenin atap ótti. Osy rette balanyń qyzyǵýshylyǵyn týǵyzyp, oǵan jeke qasıetterin damytýǵa kómektesý mańyzdy.

Debat týrnırleriniń jeńimpazdary joǵary oqý oryndary rektorlarynyń granttaryn ala alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir