• USD 424.85

  • EUR 504.21

  • RUB 5.84

  • CNY 65.86

19 Qazan, 18:47:59
Almaty
+13°

AQSh prezıdenti Djo Baıden azıattarǵa qarsy shabýyldardyń kóbeıýin sheshýge baǵyttalǵan zańǵa qol qoıdy.

Pandemııa bastalǵan bir jyldan astam ýaqyttan beri AQSh-ta azııalyq amerıkalyqtarǵa jasalǵan zorlyq-zombylyq shabýyldary kúrt kóbeıgen. 

BBC aqparatyna sáıkes, Covid-19  bastalǵan 2020 jyldan beri  azııalyqtarǵa qysym artqan. Basylym oǵan mysaldar retinde, egde jastaǵy azııalyq ımmıgrantty jerge ıterip jyqqannan keıin qaıtys bolǵanyn, tegi fılıppın amerıkalyqtyń betin qorap keskishpen kesip tastaǵan oqıǵany, qytaılyq áıeldi uryp, sodan keıin órtep jibergen jantúrshigerlik qylmysty jáne azııalyqtar turatyn aýmaqta bolǵan shabýyldan segiz adam qaza tapqan oqıǵany atady.

Sońǵy aılarda Amerıkada azııalyqtardyń betine túkirý jáne aýyzsha qysym kórsetýden bastap fızıkalyq shabýyl jaǵdaılaryna deıin myńdaǵan oqıǵa tirkelgen.

"Azııalyqtardy jekkórýshilik oqıǵalary keıbir qalashyqtarda shamamen 1200% ósken" dep habarlaıdy Jek kórýshilik pen ekstremızmdi zertteý ortalyǵy.

"Los-Andjeles okrýginde azııalyq amerıkalyqtarǵa qarsy jekkórýshilik qylmystary 115% -ǵa ósti" dep habarlaıdy CBS News. 

Baıden óziniń prezıdenttik qyzmetindegi birinshi aptada federaldy úkimettiń quramynda óshpendilik sózderdiń qoldanylýyna tyıym salatyn atqarýshylyq is-sharaǵa qol qoıǵan.

20 mamyrda AQSh prezıdenti  azııayqtarǵa qarsy shabýyldardyń ósýine tosqaýyl qoıý úshin "Covid-19-ǵa qatysty óshpendilik qylmysy" zańyna qol qoıdy.

"Qamshy" silteıdi
Ilmek sózder: AQSh Baıden Zań

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir