Qazaqstannyń taǵy bir óńiri "jasyl" aımaqqa ótti

Soltústik Qazaqstan oblysy koronavırýstyń taralýy boıynsha "jasyl" aımaqqa ótti. Bul týraly COVID-19 taralýyna jol bermeý jónindegi vedomstvoaralyq komıssııa habarlady.

Koronavırýs ınfeksııasy boıynsha Qazaqstan óńirlerindegi epıdemıologııalyq ahýaldy baǵalaý matrısasyna sáıkes Nur-Sultan, Almaty, Shymkent qalalary jáne Aqmola, Aqtóbe, Atyraý, Batys Qazaqstan, Qaraǵandy oblystary  "qyzyl" aımaqta tur. 

Almaty, Qostanaı, Mańǵystaý jáne Pavlodar oblystary "sary" aımaqta ornalasqan. 

Shyǵys Qazaqstan, Jambyl, Túrkistan, Qyzylorda jáne Soltústik Qazaqstan oblystary "jasyl" aımaqta.  

Keıingi táýlikte Qazaqstanda PTR-testiniń oń nátıjesi bar 2 433 naýqas tirkelgen.