• USD 424.85

  • EUR 504.21

  • RUB 5.84

  • CNY 65.86

20 Qazan, 05:57:07
Almaty
+10°

Qazaqstannyń tuńǵysh prezıdenti Nursultan Nazarbaev 18 mamyrda 86 jasynda qaıtys bolǵan kórnekti ǵalym, ulttyq ǵylym akademııasynyń akademıgi Amanjol Qoshanovtyń ómirden ótýine baılanysty marqumnyń jaqyndaryna kóńil aıtty. Bul týraly elbasy.kz saıty habarlady.

"Amanjol Qoshanuly sanaly ǵumyryn ǵylym jolyna arnap, otandyq ekonomıka teorııasy salasyn damytýǵa qomaqty úles qosqan tuǵyrly tulǵa bolatyn. Ol elimizdiń ekonomıkalyq múddeleri júıesin jasaý, ulttyq ekonomıkalyq qaýipsizdikti qamtamasyz etý sııaqty kóptegen mańyzdy máseleler boıynsha irgeli zertteýler júrgizip, memlekettik ǵylymı baǵdarlamalar jasaýǵa atsalysty. Ekonomıkalyq teorııa boıynsha ózindik mektebin qalyptastyrdy" delingen jedelhatta.

Elbasy Amanjol Qoshanovtyń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.

Amanjol Qoshanuly Qoshanov 1934 jyly Soltústik Qazaqstan oblysy, Shal aqyn aýdany, Alqaaǵash aýylynda dúnıege kelgen. Orta mektepti Altyn medalmen bitirgen ol M.V. Lomonosov atyndaǵy Máskeý memlekettik ýnıversıtetiniń ekonomıka fakýltetiniń stýdenti bolyp qabyldanǵan.

1959 jyldan bastap ulttyq ǵylym akademııasynyń ekonomıka ınstıtýtynda qyzmet istegen ol eldiń ekonomıkalyq ǵylymy men halyq sharýashylyǵynyń damýyna eleýli úles qosqan iri ekonomıst-ǵalym bolǵan.

Akademık 600-den asa ǵylymı eńbektiń, sonyń ishinde, 53 monografııanyń avtory bolǵan. Onyń ǵylymı jetekshiligimen 16 ekonomıka ǵylymdarynyń doktory, 60-tan asa ǵylym kandıdattary daıarlanǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir