Mańǵystaýlyq oqýshylar respýblıkalyq olımpıadada komandalyq esepte úzdik úshtikke endi

Bıylǵy oqýshylar arasyndaǵy respýblıkalyq olımpıada jyldaǵydan ózgeshe, onlaın formatta ótti. Bilimdiler saıysynda Mańǵystaý oblysynyń komandasy 29 medal ıelenip, qatysýshylardyń 60%-y jeńimpaz atandy. Onyń 5 altyn, 6 kúmis, 18 qola medal. Oqýshylar jaratylystaný-matematıkalyq baǵyt pánderiniń sapasy boıynsha 8 orynda, qoǵamdyq-gýmanıtarlyq baǵyt boıynsha 6 oryndy mejeledi.

Olımpıada jeńimpazdaryn búgin QR Bilim jáne ǵylym mınıstri Ashat Aımaǵambetov ınternet baılanys arqyly quttyqtap, jeńimpazdardyń ata-analary men ustazdaryna alǵysyn aıtty.

Jıyn barysynda Mańǵystaý oblysy ákiminiń orynbasary Gúlmıra Qalmuratova jeńipmaz 29 oqýshyǵa I,II,III dárejeli dıplomdar men medaldar tabystaldy. Sonymen qatar, jalpy bilim beretin pánder boıynsha respýblıkalyq olımpıadanyń qorytyndy kezeńinde úzdik nátıje kórsetip, III oryn ıelengen Mańǵystaý oblysynyń komandasyna «Eń úzdik olımpıadalyq komanda – 2021» nomınasııasy tabystaldy. Jalpy bilim beretin pánder boıynsha respýblıkalyq olımpıadanyń qorytyndy kezeńinde II oryn alǵan «Bilim – ınnovasııa» lıseı – ınternaty «Úzdik olımpıadalyq mektep – 2021» nomınasııasyn jáne Munaıly aýdanynyń №3 mektebi «Úzdik aýyl mektebi – 2021» nomınasııasy boıynsha marapattaldy.