Almatydaǵy jol apaty: 22 jastaǵy polıseı qaıtys boldy

Almatylyq 22 jastaǵy polıseı Nadır Qalymov jol apatynan kóz jumdy. Bul týraly qjol polısııasynyń baspasóz qyzmeti habarlady.

Jol-kólik oqıǵasy 19 mamyr tańǵy saǵat 9-dar shamasynda Almaty oblysynyń Qarasaı aýdanynda bolǵan. Polısııanyń kishi serjanty N.Kalymov túngi aýysymnan úıine qaıtyp kele jatqanda jol apatyna túsken. Polıseı alǵan jaraqattarynan oqıǵa ornynda qaıtys bolǵan.

"Kóldi-Jalpaqsaı tas jolynda Mazda-626 avtokóliginiń júrgizýshisi róldi basqara almaı, qarsy jolaqqa shyǵyp ketip, 1999 jyly týǵan ınspektor Nadır Qalymov basqarǵan Lada Granta avtokóligimen soqtyǵysqan. Túrli dene jaraqattaryn alǵan Mazda júrgizýshisi aýrýhanaǵa jatqyzyldy" delingen habarlamada.

Qazir atalǵan fakt Qylmystyq kodekstiń 345-baby, 3-bóligi boıynsha tirkelip, tergeý jumystary júrgizilýde.

Polısııanyń kishi serjanty Qalymov N.D. ishki ister organdarynda 2019 jyldyń qyrkúıeginen bastap qyzmet etken. Onyń artynda anasy men júkti áıeli qaldy.