Shyńjań máselesi: AQSh Qytaıda ótetin Olımpıadaǵa baıkot jarııalaýǵa shaqyrdy

AQSh Palata spıkeri Nensı Pelosı Qytaıdaǵy adam quqyǵynyń buzylýyna baılanysty kelesi jyly Beıjińde ótetin Qysqy Olımpıada oıyndaryna dıplomatııalyq boıkot jarııalaýǵa shaqyrdy.

Pelosı Qysqy Olımpıadaǵa barlyq memleket basshylary qatyspaýy kerek ekenin aıtty.

Spıker Qytaıda eshnárse bolmaǵan sııaqty Olımpıada oıyndarynyń óte berýi durys emes dep esepteıdi.

BUU jáne halyqaralyq adam quqyǵy uıymdary Qytaıdyń soltústik-batysyndaǵy úlken aımaq Shyńjańda Beıjiń mıllıonnan astam qazaq jáne uıǵyr musylmandaryn qamap otyrǵanyn aıtady.

Olardyń aqparatyna sáıkes, Shyńjańda ustalǵandardyń kópshiligi "qaıta tárbıeleý" mekemeleri dep atalatyn túrme tárizdi lagerlerge jiberilgen. Olar belgisiz ýaqytqa qamalady.

Demokrat Pelosı eki partııaly kongresstegi tyńdaý barysynda búkil álemniń memleket basshylary aqpan aıynda ótetin Qysqy Olımpıada oıyndaryna boıkot jarııalaýy kerek dedi.

"Memleket basshylary Qytaıǵa barmaý arqyly Qytaı úkimetin qurmettemeıtinimizdi kórseteıik. Memleket basshylary Qytaıda bolyp jatqan genosıdke baılanysty barýy kerek. Sizder ózderińizdiń oryndaryńyzda qalaı otyrsyzdar? Onsyz adam quqyǵy týraly, álemdegi kez kelgen jerde moraldyq bılik týraly qalaı aıta alasyzdar?" dedi ol.

Pelosı Qytaıdyń Shyńjań provınsııasyndaǵy qazaq, uıǵyr sııaqty azshylyq qaýymǵa jasalǵan qysymǵa qatysty boıkot jarııalaýǵa shaqyrǵan sońǵy amerıkalyq saıasatker. Buǵan deıin Maık Pompeo jáne Baıden ákimshiligindegi birneshe amerıkalyq saıasatkerler Shyńjańdaǵy azshylyqtarǵa jasalǵan saıasatty "genosıd" dep baǵalaǵan. 

Sonymen qatar, AQSh, Kanada, Ulybrıtanııa, Nıderlandy sııaqty elder Qytaıdyń batys bóligindegi musylman halyqtaryna júrgizgen saıasatyn resmı túrde "genosıd" dep atady. Germanııa, Belgııa, Shvesııa, Jańa Zelandııa sııaqty kóptegen elderdiń parlamenti aımaqtaǵy problemany "genosıd" dep jarııalaýdy kóterdi.

Qytaı úkimeti Shyńjańdaǵy etnıkalyq azshylyq áıelderine májbúrli sterılızasııa júrgizdi jáne balalardy otbasylarynan bóldi dep aıyptaldy.

Bastapqyda Beıjiń  lagerlerdi joqqa shyǵarǵan. Keıinirek olardy terrorızmge qarsy qajetti shara dep jarııalady. Beıjiń adam quqyǵyn buzý týraly aıyptaýlardy joqqa shyǵarady.