• USD 468.56

  • EUR 497.56

  • RUB 7.3

  • CNY 67.18

29 Naýryz, 04:45:46
Almaty
+35°

Ult aldynda keshirim surasyn! "Namys" jastar qozǵalysy Almatydaǵy AQSh konsýldyǵy ǵımaraty aldyna osyndaı talappen narazylyq aksııasyn ótkizdi. Buǵan Nur-Sultandaǵy AQSh elshiliginde LGBT jalaýynyń ilingeni sebep bolǵan.

17 mamyr kúni Qazaqstandaǵy AQSh elshiligi halyqaralyq gomofobııaǵa qarsy kúnde elshilik ǵımaratyna LGBT qaýymdastyǵynyń jalaýyn ilgen. Artynsha bul týraly elshiliktiń Facebook paraqshasynda málim etken.

"Búgin biz gomofobııa, bıfobııa jáne transfobııaǵa qarsy kúrestiń jyl saıynǵy halyqaralyq kúnin atap ótemiz. Qazaqstanda LGBT qaýymdastyǵynyń músheleri áli kúnge deıin kemsitilip, japa shegip, zorlyq kórip júrgenine alańdaýshylyqpen qaraımyz. LGBT qoǵamdastyq ókilderin qosa alǵanda, barlyǵy qoǵam ómirine jan-jaqty jáne belsendi qatysýǵa múmkindik alýǵa tıis" delingen elshiliktiń jelidegi jazbasynda.

"Namys" jastar qozǵalysynyń quryltaıshysy Azamat Joldanbaev "AQSh elshiligi osy arqyly ulttyq qundylyqqa qarsy áreket etip otyr" degen pikirde.

 – Nege qoǵamnyń qabyldamaǵan bir ǵana bóliginiń múddesin qorǵap, bizdiń san ǵasyr tarıhy bar tutas ulttyń qalaýyn taptap otyr. Aldynda 8-naýryz kúni "femınısterdi qoldaımyz" degen sharanyń sońy bıseksýaldardy qoldaýǵa aınalyp ketti. Men olardyń suhbattaryn kórip shyqtym. Olardyń barlyǵynyń quqyqtaryn qoldaıtyn sheteldikter. Bul – Qazaqstandy ishten qurtamyz degen quıtyrqy áreketteri sekildi. Sondyqtan ult aldynda keshirim suraýyn talap etemiz. Eger talaptarymyz oryndalmasa, jalpyulttyq aksııaǵa shyǵyp, AQSh taýarlaryn tutynýǵa qarsy úgit-nasıhat júrgizemiz, – deıdi belsendiler.

Nazylyqqa shyqqan belsendilerge eshkim jaýap bermedi. Al qaýymdastyq ókilderi munymen toqtamaıtynyn aıtady.

Aızada Bıdan

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir