• USD 468.56

  • EUR 497.56

  • RUB 7.3

  • CNY 67.18

29 Naýryz, 18:55:47
Almaty
+35°

AQSh Soltústik Karolına shtatynyń azamattyq quqyqtary jónindegi federaldyq sot alqasy eki aǵaıyndy jigitke 75 mıllıon dollar tólem tóleý týraly sheshim shyǵardy. Olar 1983 jyly 11 jastaǵy qyzdy zorlady jáne óltirdi degen kúdikpen sottalyp, 2014 jylǵa deıin temir torda otyrǵan.

Intellektýaldyq múmkindigi shekteýli eki aǵaıyndynyń kináli emes ekeni jarııalanyp, olarǵa beriletin tólem esepteldi.

Segiz adamnan turatyn qazylar alqasy aǵaıyndy Genrı Makkollým men Leon Braýnnyń árqaısysyna 31 mıllıon dollardan, ıaǵnı túrmede ótkizgen ár jyl úshin 1 mıllıon dollardan tólem berilý kerek dep sheshti.

Sondaı-aq qazylar alqasy olarǵa 13 mıllıon dollar kóleminde ótemaqy tóleý týraly sheshim shyǵardy. 

Barlyq dálelderdi, sonyń ishinde qate jolmen basymdylyq berilgen dálelderdi tyńdaǵan alǵashqy alqabıler Genrı men Leondy kinásiz dep tapty.

2014 jyly kisi óltirýshini kórsetetin DNQ dáleldemeleri boıynsha ekeýi aqtalyp túrmeden bosatyldy. Aǵaıyndylar qylmys úshin aıyptalǵan kezde jasóspirim bolǵan.

Advokattardyń aıtýynsha, polısııa olardy moıyndaýǵa májbúr etken. Ol kezde Makkollým 19 jasta, al Braýn 15 jasta bolǵan. Ekeýi de sottalyp, ólim jazasyna kesilgen.

"Qamshy" silteıdi
Ilmek sózder: AQSh sot

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir