Baıbek-Mamaı soty qalaı ótti?

Táýelsiz sarapshy Rınat Rafhat ádil sot quqyqtarynyń saqtalýy boıynsha Halyqaralyq Quqyqtyq Bastama uıymynyń atynan Janbolat Mamaı men NurOtan partııasy tóraǵasynyń orynbasary Baýyrjan Baıbek arasynda bastalǵan sot prosessine baqylaýshy retinde qatysqanyn málim etti. Bul týraly ol facebook paraqshasynda jazdy.

"Sot 16:30 ǵa belgilengenmen Áýezov aýdandyq sotynan tańdalǵan jańa baılanys júıesi óte nashar boldy. Talapker jaq esh kedergisiz qatysyp otyrǵanymen, jaýapker taraptyń ýájderin estirtpeı ár 5 mınýt saıyn baılanys júıesinen avtomatty túrde shyǵaryp tastap otyrdy.

Osy jaǵdaıdy retteý úshin sýdıa úzilis jarııalady.

Birneshe mınýttan keıin sot otyrysy WhatsApp vıdeo baılanys júıesi arqyly 17:20 da jalǵasty.

Bir saǵattan astam ýaqytqa sozylǵan sot otyrysynda talap qoıýshy talapker B.Baıbek qatyspady. Qatysýshy tek advokaty.

Talap aryz orys tilinde jazylǵandyqtan sot otyrysy kezinde jaýapkerlerge orys tilinde ótýi kerektigin eskertip, sýdıa Sartaeva J.Mamaı men I.Imanbaıǵa orys tilinde sóıleýdi surady. Alaıda, J.Mamaı men I.Imanbaı memlekettik qazaq tilinde sóıleıýge tolyq quqyqtary bar ekenin aıtyp, orys tilin túsinetinin jáne aldaǵy sot barysynda ózderi keltiretin argýmentterdiń bárin qazaq tilinde aıtatyndaryn málimdedi. Sýdıanyń kelispeýge sharasy qalmady. Múmkin talapker jaq B.Baıbektiń qorǵaýshysy Tashenova orys tildi bolýy múmkin. Qazaq tilin túsinbese aýdarmashy alý, talapker taraptyń máselesi.

Jaýapker jaqtyń qorǵaýshylary G.Nýrpeısov pen A.Týsýpova istiń qosymsha materıaldaryn aldyn ala almaǵandyqtan, tanyspaǵandyqtan, ispen tanysý kerektigin sýdıaǵa eskertti. Aldyn ala ispen tanysýlary kerek ekenin aıtty. Sharasyz qalǵan sýdıa 17 mamyr dúısenbi kúni sot isimen tanysýǵa ruqsat berdi.

I.Imanbaı sýdıa Sartaevaǵa kelesi sot otyrysyn basqa vıdeo baılanys júıesine aýystyrýdy talap etti. Anyǵynda ZOOM júıesi arqyly. Sebebi sot barysyna qatysqysy keletin BAQ ókilderi esh kedergisiz aqparatty alýyna múmkindik jasaý kerek dep túsindirdi. Sýdıa Sartaeva kelesi sottyń negizgi otyrysynda BAQ ókilderi prosessti baqylaýǵa múmkindik jasaýǵa tyrysatynyn aıtty.

J.Mamaı: talapker, jeke tulǵa retinde aryz jazý kezinde B.Baıbektiń ózi turatyn meken-jaıdy emes, NurOtan partııasynyń meken-jaıyn kórsetkenin eskertti.
Anyǵynda, birinshiden NurOtan meken-jaıy B.Baıbektiń turǵylyqty jeri emes. Ekinshiden, "ar-namysyma tıdi, qyzmettik abyroıyma nuqsan keltirdi" dep óz atynan, ıaǵnı jeke tulǵa retinde talap aryz túsirgesin turǵylyqty meken-jaıy mindetti túrde kórsetilýi tıis edi. Úshinshiden, óziniń qorǵaýshysy Tashenova men jaýapker tarap I.Imanbaı men J.Mamaıdyń jeke ınn nomerine deıin kórsetilip jazylǵan talap aryzda B.Baıbektiń jeke basyn rastaıtyn ınn nomeride kórsetilmegen (tómende sýrette). Biraq, sýdıa Sartaeva talapker B.Baıbektiń meken-jaıy durys jazylmaǵany sot isine áser etpeıtinin, ózi qalaǵan meken-jaıdy kórsete alatynyn aıtyp, talapker men jaýapkerdiń teń quqyly ekendigin eskermegendeı boldy.
Demek, beıtaraptylyq buzylǵandaı nemese negizgi sot prosessi bastalmaı jatyp birjaqty ótýin meńzegendeı boldy.

Sot kelesi otyrysy sársenbi, ıaǵnı mamyrdyń 19 kúni saǵat 15:00 de jalǵasady" delingen áleýmettik jelidegi paraqshasynda.