• USD 468.56

  • EUR 497.56

  • RUB 7.3

  • CNY 67.18

28 Naýryz, 14:15:25
Almaty
+35°

Shymkent qalasy jáne Mańǵystaý, Soltústik, Shyǵys, Batys Qazaqstan oblystarynda karantın sharalaryna ózgerister men tolyqtyrýlar engizildi. Bul týraly óńirlerdiń bas sanıtar dárigerleri málimdedi.

Shymkent qalasynyń bas sanıtar dárigeri A. Týlebaev koronavırýs ınfeksııasyn aldyn alý úshin óz qaýlysyna jańa ózgerister men tolyqtyrýlar engizdi.

Qaýlyda tómendegideı talaptar bar:

  • Ulttyq quramaǵa, klýbtyq komandalarǵa jáne sporttyq jattyǵýǵa, qalalyq komandalardy daıarlaý úshin oqý-jattyǵý jıyndaryn ótkizýge ruqsat etiledi; (30 adamnan aspaı)
  • Sportshylar men jattyqtyrýshylar quramyna koronavırýsqa qarsy vaksınasııalaýdyń tolyq kýrsyn alǵany týraly qujattama usynǵan jaǵdaıda oblystyq komandalardy daıyndaý úshin oqý-jattyǵý jıyndaryn qaıta bastaýǵa ruqsat beriledi;
  • medısınalyq uıymdarda, qarttar men múmkindigi shekteýli adamdarǵa arnalǵan medısınalyq-áleýmettik obektilerde, balalar úıinde, áleýmettik ońaltý ortalyqtarynda, múgedek balalarǵa arnalǵan ınternet tıpindegi oqý oryndarynda sanıtarııalyq-dezınfeksııalyq rejım qamtamasyz etilýge tıis.

Mańǵystaý oblysynyń bas sanıtar dárigeri G. Nadýev karantındik jańa shekteý sharalary 17 mamyr saǵat 00:00-den bastap kúshine enetinin eskertti.

  • merekelik, oıyn-saýyq, kópshilik mádenı, sporttyq, bilim berý is-sharalardy, kórmelerdi, korporatıvti, forýmdardy, konferensııalardy, sondaı-aq otbasylyq, estelik is-sharalardy ótkizýge tyıym salynady;
  • oıyn-saýyq mekemeleri men býkmekerlik keńselerdiń qyzmeti toqtaıdy;
  • oblystyq komandalardyń (mádenıet, bilim, sport salasynda) sportshylardyń jeke sport túrleri boıynsha jarystarǵa, konkýrstarǵa, olımpıadalarǵa "qyzyl aımaqtarda" ornalasqan óńirlerge jáne Qazaqstannan tys jerge shyǵýyna tyıym salynady;
  • azyq-túlik jáne azyq-túlik emes jabyq bazarlar, saýda úıleri men saýda ortalyqtarynyń qyzmetine ruqsat beriledi;
  • mektepke deıingi balalar mekemeleriniń qyzmetine ruqsat etiledi;
  • medısınalyq uıymdar, dárihanalar jumysyn bastaıdy.

Soltústik Qazaqstan oblysynyń bas sanıtar dárigeri Á. Jumataev koronavırýs ınfeksııasynyń taralýyn aldyn alý maqsatynda 11 mamyrdaǵy №12 qaýlysyna ózgerister men tolyqtyrýlar engizdi.

"2021 jyldyń 1 naýryzdaǵy №6 qaýlysy "Áleýmettik-ekonomıkalyq obektilerdiń jumysyn shekteý krıterııleri" atty qosymshasyndaǵy 21 jol redakııalap jazylsyn" delingen bas sanıtar dárigerdiń qujatynda.

Atalǵan qaýlyǵa sáıkes, dinı obektilerdiń jumysyna ruqsat beriledi. Biraq syıymdylyǵy 30 paıyzdan aspaı, 1 kelýshige 4 sharshy metrden kem emes bolýǵa tıis.

Shyǵys Qazaqstan oblysynyń bas sanıtar dárigeri Q. Týrdıev 14 mamyrda karantın sharalary týraly qaýlysyna ózgerister men tolyqtyrýlar engizdi.

ShQO-nyń barlyq aýmaǵynda 2021 jylǵy 16 mamyrdan bastap 30 mamyrǵa deıin sharýashylyq jáne halyqtyń tynys-tirshiliginiń erekshe jaǵdaılarymen shekteý sharalary uzartylady.

Batys Qazaqstan oblysynyń bas sanıtar dárigeri M.K. Aryspaev 12 mamyrda qabyldanǵan №12 qaýlysy 2021 jylǵy 15 mamyrdan bastap kúshine enedi.

  • memlekettik organdar men kvazımemlekettik sektor uıymdary qyzmetkerleriniń keminde 80%-yn (adam sany 15 jáne odan joǵary) "qashyqtan" jumys nysanyna aýystyrý, sondaı-aq jeke kásipkerlik qyzmetkerleriniń keminde 50%-yn "qashyqtan" jumys nysanyna aýystyrý usynyldy;
  • COVID-19-ǵa qarsy vaksınasııalaýdyń tolyq kýrsyn alǵan jáne sońǵy 6 aı ishinde COVID-19-ben aýyryp jazylǵan barlyq qyzmetkerlerdiń shtatyq rejımde jumys isteýine ruqsat beriledi;
  • jınalystardy, keńesterdi, semınarlardy, konferensııalardy offlaın rejımde ótkizbeı, tek selektorlyq rejımde jáne beınekonferensııalyq baılanys arqyly ótkizýge tıis;
  • 5 (bes) jasqa deıingi balalardy qoǵamdyq tamaqtaný oryndarynda tamaqtaný, sondaı-aq áleýmettik qashyqtyqty saqtaý arqyly 5 (bes) adamnan aspaıtyn jeke, toptyq sportpen shuǵyldanýmen aınalysý jaǵdaılaryn qospaǵanda, ashyq aýadaǵy qoǵamdyq oryndarda, halyqtyń kelýine, olarǵa qyzmet kórsetýge jáne demalýǵa arnalǵan úı-jaılarda, qoǵamdyq kólikterde medısınalyq nemese mata betperdelerdi kııý mindetti;
  • kontıngenti 300 oqýshyǵa deıin qalalyq jáne aýyldyq mektepterde synypta balalar sany 15 adamǵa deıin dástúrli formatta oqytýǵa ruqsat etiledi;
  • bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat beriledi;
  • ata-analardyń ótinishi boıynsha, synypta balalar sany 15 adamnan aspaı, mektepaldy synyptardyń oqýshylary úshin jalpy bilim beretin mektepterde 1-5 synyptardy qosa alǵanda, halyqaralyq mektepterde 1-7 synyptardy qosa alǵanda, aralas formatta oqytýǵa bolady;
  • bitirýshi synyptar (9, 11, 12) aptanyń 6 kúni ishinde aralas formatta oqıdy. Pánderdiń 70%-y shtattyq rejımde, 30%-y qashyqtan oqytylady.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir