Halyq amanatyn oryndaý negizgi basymdylyq

Búgin «Nur Otan» oblystyq fılıalynyń kezekti HHVII esep-berý saılaý konferensııasy ótti. Is sharada partııanyń oblystyq fılıalynyń jáne Baqylaý-tekserý komıssııasynyń 2019-2020 jyldary atqarǵan jumystary men aldaǵy kezeńge arnalǵan mindetteri aıtyldy.

Konferensııany ashqan oblystyq fılıal tóraǵasy, oblys ákimi Ǵalı Esqalıev oblystyq konferensııa aldynda joǵary uıymdastyrýshylyq-saıası deńgeıde ótken 241 bastaýysh partııa uıymdarynda esep berý-saılaý jınalystary men 13 aýmaqtyq fılıaldarda konferensııa ótkizilgenin atap ótti.

Jańadan saılanǵan bastaýysh partııa uıymdary tóraǵalarynyń ishinde áıelderdiń úlesi 33%-dy, al 35 jasqa deıingi jastardyń úlesi 26%-dy qurady.

BPU tóraǵalarynyń quramy ótken jylmen salystyrǵanda 15%-ǵa jańartyldy. Tóraǵalardyń 6,2%-y ár deńgeıdegi máslıhat depýtattary bolsa 6%-y partııalyq rezervte tur.

Konferensııalarda fılıaldardyń saıası keńesterine 242 adam, saıası keńesteriniń bıýrolaryna – 100 adam saılandy. Áıelder sany 6,2%-ǵa, jastar sany 2,5 eseden asa ósti – dedi oblys ákimi Ǵ.Esqalıev.

2019-2020 jyldar aralyǵynda partııanyń aımaqtyq fılıaly Saıası keńesiniń atqarǵan jumystary týraly baıandama jasaǵan fılıal tóraǵasynyń birinshi orynbasary Murat Muqaev Batys Qazaqstan oblysy boıynsha partııanyń saılaýaldy baǵdarlamasyn júzege asyrý, Jol kartasyn oryndaýǵa baılanysty aldaǵy kezeńge partııa qyzmetiniń basym máselelerine basa nazar aýdardy.

Sondaı-aq, partııanyń Jarǵysyna sáıkes oblystyq fılıaldyń saılanbaly organdary -Saıası keńesiniń, Saıası keńes Bıýrosynyń jáne Baqylaý-tekserý komıssııasynyń ókilettiginiń merzimi aıaqtalǵanyn atap ótti. Eki jyl ishinde orasan jumystar atqarylyp, kóptegen jetistikter men nátıjelerge qol jetkizilgen.

Oblysymyzdaǵy partııa uıymdarynda praımerız ótkizý kezeńi, elektoraldy kezeń jáne saılaý naýqany kezeńi joǵary jaýapkeshilikpen júzege asyryldy. Partııa basshylyǵy men Memleket Basshysy qoıǵan mindetterdi biz oryndadyq: depýtattar arasynda 30% – dan astamy-29 jasqa deıingi áıelder men jastar; 20% - y 35 jasqa deıingi jastar. Ortasha jasy - 47 jas.

Jańadan saılanǵan bastaýysh partııa uıymdarynyń tóraǵalary arasynda áıelderdiń úlesi 33%-dy, al 35 jasqa deıingi jastardyń úlesi 26% - dy qurady.

Aıta ketý kerek, 2019-2020 jyldary oblystyq fılıaldyń qoǵamdyq qabyldaýyna 10 myńnan astam ótinish kelip tústi, onyń 69% bolsa, aǵymdaǵy jylda 39 %-y oń sheshimin tapty. Eki jyl ishinde máslıhat depýtattary, memlekettik organdardyń basshylary, ákimder men ákim orynbasarlary, zańgerlermen 3440 qabyldaý ótkizilip, qabyldaýǵa 4948 adam keldi.

Esepti kezeńde atqarylǵan jumysty qorytyndylaǵan partııanyń oblystyq fılıaly tóraǵasynyń birinshi orynbasary Murat Muqaev partııalyq jobalarǵa keńirek toqtaldy. Onyń aıtýynsha ardagerler, múgedekter, jastar, balalar, analar jáne bıznes problemalaryn júıeli sheshýge baǵyttalǵan «Ardagerlerdi ardaqtaıyq», «Kedergisiz keleshek», «Baqytty otbasy», «Halyqqa kómek» atty partııalyq jobalar boıynsha tıimdi jumys júrgizilgendigin atap ótti.

Uly Otan soǵysynyń qatysýshylary men ardagerlerine jáne tyl eńbekkerlerine jalpy 77 adamǵa, azyq-túlik sebetteri tabystaldy.

«Kedergisiz keleshek» jobasy aıasynda «Arba» qoǵamdyq birlestiginiń qatysýymen qoǵamdyq baqylaý toby oblys ortalyǵyndaǵy 100-ge jýyq nysannyń, sonymen qatar qoǵamdyq kóliktiń múmkindigi shekteýli azamattarǵa qoljetimdiligin tekserdi. Bul jumys jalǵasyn tabýda.

«Baqytty otbasy» jobasy aıasynda tıisti memlekettik organdar ókilderinen turatyn jedel mobıldi toptar qurylyp, ómirlik qıyn jaǵdaıǵa tap bolǵan kópbalaly, tolyq emes, az qamtylǵan otbasylardaǵy balalardyń jaǵdaıyn monıtrıngileý, budan ári tıisti kómek kórsetý boıynsha qyzmet atqarýda.

Mádenıet pen ónerdi damytý máseleleri jónindegi «Mıras» aımaqtyq qoǵamdyq keńesi músheleriniń bastamasymen Oral qalasyndaǵy halyqaralyq aeroportqa kaharman apamyz Mánshúk Mámetovanyń atyn berý jóninde usynys onomastıkalyq komıssııasyna joldandy.

Táýelsizdigimizdiń 30-jyldyǵyna arnalǵan sharalarǵa belsendi qatysyp, ıdeologııalyq baǵytyn kópshilik arasynda dáriptelýde.

Jyldyń basynan beri Táýelsizdigimizdiń 30-jyldyǵyna arnalǵan mereıli dataǵa kóptegen sporttyq ulttyq oıyndar ótkizildi, naýryz-sáýir aılarynda tazalyq aptalyqtary júrgizildi, 1000-nan astam kóshet otyrǵyzyldy.

Sondaı-aq «BIRGEMIZ» respýblıkalyq aksııasy aıasynda halyqtyń asa muqtaj 6 tobynyń ókilderine (29 254 oblys turǵynyna) 50 000 teńgeden (jalpy somasy 1,4 mlrd.teńge) kómek kórsetildi, 9 200 otbasyǵa azyq-túlik sebetteri úlestirildi.

Partııadan saılanǵan oblystyq, qalalyq, aýdandyq máslıhat depýtattary úgit-nasıhat ýaqytynda jınaqtaǵan amanattardy birtińdep sheshýde.

Aıta ketý kerek, qysqa merzimdi jáne orta merzimdi amanattardyń basym bóligi 60 paıyzy júzege asyryldy. Sheshilmegen máseleler boıynsha depýttar turǵyndar arasynda jáne áleýmettik jeli arqyly da túsindirý jumystaryn júrgizýde – dep óz baıandamasyn qorytyndylady Murat Muqaev.

О́z sózin aıaqtaı kele, oblystyq fılıaldyń tóraǵasy búgingi tańda bastaýysh partııa uıymdarynyń, partııanyń aýmaqtyq jáne óńirlik fılıaldarynyń jumysyndaǵy negizgi basymdyq, sózsiz, «О́zgerister joly: Árkimge laıyqty ómir» «Nur Otan» partııasynyń saılaýaldy baǵdarlamalaryn júzege asyrý boıynsha árbir aýdannyń, qalanyń, oblystyń Jol kartalarynda bekitilgen halyqtyń barlyq ótinishteri men usynystaryn baqylaýdy uıymdastyrý jáne minsiz oryndalýyn qamtamasyz etý ekendigin atap ótti.