• USD 426.61

  • EUR 509.33

  • RUB 5.88

  • CNY 65.87

24 Maýsym, 18:33:09
Almaty
+24°

Qaraǵandy oblysy Sátbaev qalasyndaǵy jappaı tártipsizdik isi boıynsha sot 54 adamǵa úkim shyǵardy.  

Búgin Qaraǵandy ​​oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń sýdıasy Kenjebaı Ysqaqbaev sot úkimin jarııalady.

"Sot 9 aıyptalýshyny 3 jylǵa bas bostandyǵynan aıyrýǵa úkim shyǵardy. Olar jazasyn ortasha jáne tótenshe qaýipsizdik QAJ mekemesinde óteıdi. Al 44 aıyptalýshyny shartty túrde 4 jylǵa bas bostandyǵynan aıyrdy. Taǵy 2 adamdy shartty túrde 1,5 jylǵa sottady" delingen habarlamada.

Sot barysynda sottalýshylar jergilikti polısııa bólimine jáne pedofıldiń kórshilerine keltirilgen materıaldyq shyǵyndy ótep úlgergeni belgili boldy. Tártip saqshylarynyń búlingen avtokólikteri 26 mıllıon teńgege baǵalandy.

Eske sala keteıik,  Sátbaev qalasynda 2020 jyldyń 23-inen 24 shildesine qaraǵan túni bala urlanyp, zorlyq-zombylyq kórgeni habarlanǵan. Keıin qalada jappaı tártipsizdik bastalyp, Sátbaev pen Jezqazǵan qalalarynyń turǵyndary jınalyp kúdiktini ózderi jazalamaq bolǵan. Olar alańǵa jınalyp polısııa ókilderine qarsy shyqqan.

Atalǵan oqıǵa qatysýshylaryna qylmystyq kodekstiń 272-baby 1-2 bólikteri (Jappaı tártipsizdikterdi uıymdastyrý jáne qatysý) jáne 380-baptyń 1-bóligi (Memlekettik qyzmetkerge kúsh qoldaný) boıynsha aıyp taǵylǵan bolatyn. Barlyq sottalýshylar prokýrorlarmen prosessýaldyq kelisim jasasyp, kinásin moıyndaǵan.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir