• USD 426.61

  • EUR 509.33

  • RUB 5.88

  • CNY 65.87

24 Maýsym, 17:22:58
Almaty
+26°
Bilim jáne ǵylym mınıstri Ashat Aımaǵambetov UBT tapsyrý, doktorantýra men magıstratýraǵa túsý erejelerine birqatar ózgerister engizilgenin habarlady. Bul týraly ol áleýmettik jelidegi paraqshasynda jazdy.
 
– Jaqynda UBT-ny elektrondyq formatqa kóshirý týraly post jarııaladym. Bul ózgeristerdi qoǵam jaqsy qabyldap, qoldaý bildirdi. Biraq, biz tek osy emtıhandy ǵana emes, barlyq irikteý is-sharalarynyń formatyn ashyqtyq pen ádildikti qamtamasyz etý úshin ózgertýdemiz, – dedi Aımaǵambetov.
 
Mınıstr osy bastamalardyń birqataryna qysqasha toqtaldy:
 
– Birinshiden, oqýshylardyń pándik Olımpıadasy.
Biz bıyl aqpan aıynda alǵash ret oqýshylar arasynda respýblıkalyq olımpıadany elektrondyq formatta ótkizdik. Ár qatysýshyǵa jeke kompıýter berildi, ár oqýshynyń is-áreketin beınekamera baqylap otyrdy. Sonymen qatar arnaıy ortalyqta kezekshiler barlyq prosesti qadaǵalaı alyp, proktorıng júıesi de qoldanyldy. Áleýmettik jelilerde jáne arnaıy portalda ashyq translıasııa júrgizildi.
 
Bıyl olımpıada tapsyrmalaryn tekserý júıesin de ózgerttik. Buryn qazylar alqasy múshelerine balalardyń jumystary proporsıonaldy túrde berilse, endi baǵalaý kezinde sýbektıvızmdi tómendetý úshin qazylar alqasynyń ár múshesi bir ǵana tapsyrmany kórip, baǵalaı aldy. Kelesi jyldary da olıpıadanyń oblystyq jáne respýblıkalyq kezeńderi tek qana osyndaı formatta ótetin bolady.
 
Ekinshiden, doktorantýraǵa qabyldaý.
Bıyl doktorantýraǵa túsý emtıhandary da UBT-ǵa qoıylǵan talaptar negizinde jáne Ulttyq biryńǵaı testileý júrgizilgen pýnkterde ótedi.
Bul bizge "rektorlar tizimi" degen alyp-qashpa sózdi jáne osyndaı táýekelderdi umytyp, doktorantýraǵa eń myqty jáne laıyqty úmitkerlerdiń oqýǵa túsýine tıisti jaǵdaı jasaýǵa múmkindik beredi dep oılaımyn. Esseni de, basqa da tapsyrmalardy da osy kompıýterlermen beınekameralardyń aldynda otyryp jazatyn bolady.
 
Úshinshiden, magıstratýraǵa túsý.
О́tken jyly biz magıstratýraǵa túsýshilerdiń emtıhandaryn pılottyq rejımde elektrondyq formatta qabyldadyq. Oqýǵa túsken azamattar emtıhannyń rasynda ádil túrde ótkenin aıtyp jatyr. Bıyl bul jumys jalǵasyn tabady. Budan bylaı magıstratýranyń emtıhandary osy formatta ótedi.  Olımpıadalardy, UBT-ny uıymdastyrýdan bastap magıstratýra men doktorantýraǵa túskenge deıingi barlyq prosesti elektrondyq formatqa kóshirdik. Osyndaı jańashyldyqtar arqyly ádildik pen ashyqtyqqa baǵyttalǵan bastamalarymyzdy júzege asyryp jatyrmyz. Ashyqtyqty jáne naqty básekelestikti qamtamasyz ete otyryp, bilim berý júıesine degen senimdi de arttyramyz. Ádildik, ashyqtyq, akademııalyq adaldyq – bul bizdiń jumysymyzdaǵy negizgi qaǵıdattar, – dep atap ótti mınıstr.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir