• USD 424.85

  • EUR 504.21

  • RUB 5.84

  • CNY 65.86

21 Qańtar, 17:31:55
Almaty
-2°

Lız Cheını Foto: EPA-EFE/MICHAEL REYNOLDS

AQSh respýblıkalyq partııasynyń basshylyǵy daýys berip, partııalyq ıerarhııada úshinshi orynda turǵan Kongress múshesi Lız Cheınıdi ornynan bosatqan. Bir kezde Abraam Lınkoln qurǵan partııa sóıtip ońshyl-reaksııashyl, Tramptyń qylmystyq-korrýpsııalyq sektasyna aınaldy dep jatyr sarapshylar. Olar "2021 jylǵy 12 mamyrdan bastap resmı túrde endi respýblıkashyldar partııasy joq dep esepteýge bolady" deıdi.

Sondaǵy Lız Cheınıdiń jazyǵy ne? Onyń jazyǵy – Tramptyń "daýsymdy urlap aldy" degen ótirigine qaramastan shyndyqty aıtýdan taısalmaýy. Búgingi oqıǵa tek partııa úshin ǵana emes, saldary ondaǵan jylǵa sozylatyn, Amerıka úshin de syndarly kezeń kórinedi. 

Kórip otyrǵanymyzdaı, qansha demokratııasy damyǵan el degenmen de aq násildilerdiń basqalardy, qara jáne sary násildegilerdi mensinbeýi, astamshylyǵy qalmaı keledi eken. Násilshildikti ýaǵyzdaýshylardyń basynda Tramptyń ózi turǵany belgili, al respýblıkashyldardyń basym bóligi usaq qalalar men qala mańyna turatyn aq adamdar. Suranys bolmasa usynys ta bolmaıdy degendeı, osyndaı orta Trampty týǵyzyp otyrǵany anyq. Másele tipti Tramptyń jeke basynda da emes, másele qazirgi amerıka qoǵamyna osyndaı adamnyń kerek bolyp otyrǵanynda bolyp otyr.

Lız Cheını Kongresske deıin Býsh kezinde memlekettik departamentte istegen, al ákesi kishi Býsh kezinde ataqty vıse-prezıdent bolypty.

Búgingi oqıǵadan keıin partııada ekige jarylý bolatyny anyq, odan onshaqty paıyzdaı adal saıasatkerler men saılaýshylar bólinip shyǵyp, jańa partııa qurýy múmkin. Árıne, aldaǵy onshaqty jylda ondaı jańa partııa kúsh te, saıası salmaq ta ala almaıdy, óıtkeni respýblıkashyldardyń basym kópshiligi Tramptyń sektasyn jaqtaýda.

Biz úshin, jalpy álem úshin de, AQSh-tyń demokratııalyq el bolyp qala bergeni abzal. Amerıkanyń demokratııany damytýdaǵy jetekshi rólin eshkim de joqqa shyǵara almas. Ol kóptegen elder úshin baǵyt-baǵdar, aldyndaǵy maıaktyń qyzmetin atqarǵany ras. Sonyń biri – bizdiń el. Amerıka halqyna sabyr, demokratııany damytýda tek qana jeńis tileımiz. Dıktatorlyq basqarý stıli qandaı nátıjelerge alyp keletinin aıqyn bilip otyrǵandyqtan, "Qudaıym, saqtaı kór Amerıkany!" deımiz.

Qýanysh Edilhantegi

Sholýshy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir