Etnıkalyq orys: Qazaqstandy qarǵys atsyn, men Reseıdi súıem (vıdeo)

Zańger Rýslan Túsipbekov óziniń facebook-tegi paraqshasynda Mıhaıl Valerıı esimdi Qazaqstan azamatynyń ult arazdyǵyn týdyratyn sózder aıtyp, artynsha áreketi úshin keshirim suraǵan vıdeosyn jarııalady.

Alǵashqy vıdeoda azamat kameraǵa úıine Reseıdiń týyn ilip qoıǵannan keıin aýa raıy ózgergenin, Qazaqstandy kerek etpeıtinin, Reseıdi jaqsy kóretinin, Reseı týyn óz jalaýy dep sanaıtynyn aıtyp, "Qazaqstandy qarǵys atsyn" deıdi.

Ekinshi vıdeoda azamat sózderi úshin úshin keshirim surap, mundaı áreketke mas kúıde barǵanyn aıtyp aqtalady. Endigári mundaı qaıtalanbaıtynyn, Qazaqstandy súıetinin ári Qazaqstannyń patrıoty ekenin jetkizedi.

Zańger ádette adamnyń oıyndaǵy nárse, mas kezde syrtqa shyǵatynyn qaperge alyp, mundaı áreketter sońǵy ýaqytta jıilep ketkenin, oǵan eldegi ulttyq saıasattyń joǵy sebep bolyp otyrǵanyn aıtady.