Foto: 24.kz
Bilim jáne ǵylym mınıstri Ashat Aımaǵambetov Tatarstannyń Qazan qalasynda bolǵan jaǵdaıǵa baılanysty pikir bildirdi. Bul týraly ol óziniń Facebook paraqshasynda jarııalady.
Mınıstr Qazan qalasynyń mektebinde bolǵan terrorlyq akt kezinde qaza tapqandardyń otbasylaryna kóńil aıtyp, qaıǵyly jaǵdaı eshkimdi beı-jaı qaldyrmaǵanyn atap ótti.
– Biz osy qaıǵyly oqıǵalardan sabaq alýymyz kerek. Keshe osy máseleler boıynsha keńes ótkizdim. Aǵymdaǵy jaǵdaıǵa taldaý júrgizýdi jáne jaqyn arada balalardyń qaýipsizdigin qamtamasyz etý boıynsha barlyq deńgeılerde qosymsha keshendi sharalar qabyldaýdy tapsyrdym, – dedi Ashat Aımaǵambetov
Vedomstvo basshysy psıhologııalyq qyzmetterdiń jumysyna jáne qolaıly jaǵdaılar jasaýǵa nazar aýdarý kerektigin aıtty.
– Bul tek baqylaý kameralary, ótkizý rejımi, kúzet dabyly, dabyl túımeleri ǵana emes, sonymen qatar tótenshe jaǵdaılardaǵy qyzmetkerler men oqýshylardyń minez-qulqy máseleri ǵana emes. Kóp nárse naqty jáne damyǵan áreketterge baılanysty. Bul úlken jáne birlesken jumys. Balalar – biz úshin eń qymbat jáne olardyń qaýipsiz bolýyna bar jaǵdaıdy jasaýymyz qajet, – dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir