Ál-Farabı atyndyǵy Qazaq ulttyq ýnıversıtetinde «Elbasy saıabaǵy» ashyldy

QR Táýelsizdiginiń 30 jyldyǵyna oraı ál-Farabı atyndyǵy Qazaq ulttyq ýnıversıtetinde «Elbasy saıabaǵy» ashyldy. QR tuńǵysh prezıdenti Elbasy Nursultan Ábishuly Nazarbaevtyń qurmetine ashylǵan bul saıabaqta 300ge jýyq alma, órik, shıe t.b. jemis aǵashtarynyń túrlerin kezdestirýge bolady. 

Ál-Farabı atyndaǵy Qazaq ulttyq ýnıversıtetine  kelgen saparynda Elbasy «ál-Farabı atyndaǵy QazUÝ – jańa Qazaqstannyń bilimi men ǵylymynyń aldyńǵy shebi» dep atap ótip, ýnıversıtetterge úlken úmitpen qaraıtynyn bildirgen edi. Sonymen qatar Elbasy respýblıkamyzdyń basqarý júıesinde otyrǵan bilikti mamandar men talantty ǵalymdardyń, daryndy pedagogtardyń úlken toby osy kıeli shańyraqtan shyńdalyp shyqqanyn basa aıtqan bolatyn. Sol sebepten qazaq bilimi men ǵylymynyń qara shańyraǵy Táýelsizdiktiń 30 jyldyǵy aıasynda Elbasyna aıryqsha tartý jasaý týraly sheshim qabyldap, Elbasy saıabaǵyna qyzý jumysqa kiristi.Osy eńbektiń nátıjesinde táýelsizdigimizdiń 30 jyldyǵyna oraı ál-Farabı atyndyǵy Qazaq ulttyq ýnıversıtetinde «Elbasy saıabaǵy» ashyldy. Elimizde bolyp jatqan karantınge baılanysty aǵash otyrǵyzý jumystaryna karantındik talaptardy saqtaı otyryp, arnaıy qyzmetkerler jumyldyryldy.

Aldaǵy ýaqytta qalashyq mańynda ornalasqan ǵımarattar men jataqhanalarǵa jemis aǵashtaryn otyrǵyzý jáne qalashyqty kóriktendirý kózdelip otyr.