• USD 426.61

  • EUR 509.33

  • RUB 5.88

  • CNY 65.87

24 Maýsym, 18:11:02
Almaty
+24°

Májilistiń jalpy otyrysynda depýtat Juldyz Súleımenova premer-mınıstrdiń orynbasary Eraly Toǵjanovqa oqýshylardyń qorytyndy attestattaý emtıhandary týraly depýtattyq saýal joldady.

Depýtattyń aıtýynsha, elde 28 mamyrdan bastap 9, 11 synyptardyń oqýshylary arasynda qorytyndy attestattaý emtıhandary bastalady. Bıyl 9 synyptyń 264 469 oqýshysy 3 emtıhan tapsyrsa, al 11 synyptyń 154 816 oqýshysy 4 emtıhan tapsyrady. Emtıhan tapsyrý jabyq ǵımarattarda ótkizilýine baılanysty, oqýshylardyń, pedagogtar men tehnıkalyq personaldyń koronovırýs juqtyrý yqtımaldyǵy joǵary. Sebebi, emtıhandardyń uzaqtyǵy 2 saǵattan 5 saǵatqa deıingi ýaqyt aralyǵyn qamtıdy.

– Osy rette, barlyǵyn qosqanda, 400 myńnan astam joǵary synyp oqýshylaryna (419 285) COVID juqtyrý qaýpiniń bar ekendigine nazarlaryńyzdy aýdaramyz. Onyń ústine, QR Densaýlyq saqtaý mınıstrliginiń resmı derekterine sáıkes, elimizde 2021 jyldyń 10 mamyrynda 604 623 adam tolyqqandy vaksına alǵan. Bul jalpy halyqtyń nebári 3,2 paıyzyn quraıdy. Osyndaı vaksınalaý deńgeıiniń tómendigin eskerer bolsaq, jabyq keńistikterde uzaq emtıhandar ótkizý qanshalyqty qısyndy bolmaq? Búginniń ózinde, oqýshylar arasynda koronovırýs faktilerdiń oryn alýyna baılanysty, qorytyndy attestattaý emtıhandaryn jáne sońǵy qońyraý saltanatty jıynyn ótkizbeý kerek dep sanaımyz. Bul ata-analar tarapynan úlken alańdatýshylyqty týdyrýda. Budan ózge, oqýshylardyń jáne muǵalimderdiń densaýlyǵy basty nazarda bolýy qajet, – dedi depýtat.

Osy oraıda, Juldyz Súleımenova Nur Otan partııasy fraksııasy depýtattarynyń atynan birqatar usynystar aıtty:

"Birinshi. Oqýshylardyń, muǵalimder men ata-analar qoǵamdastyǵynyń densaýlyǵyn saqtaý, COVID vırýsynyń aldyn alý maqsatynda Bilim jáne ǵylym mınıstrligine 9, 11 synyp oqýshylary úshin memlekettik qorytyndy attestattaý emtıhandaryn ótkizbeý týraly sheshim qabyldaýdy usynamyz. Indettiń aldyn alýda bul mańyzdy. Jalpy, mundaı tájirıbe qoldanysta bar. Byltyr koronovırýs pandemııasyna baılanysty QR Bilim jáne ǵylym mınıstriniń 2020 jylǵy 3 sáýirdegi 129 buıryǵyna sáıkes,  9, 11 synyptarǵa qorytyndy attestattaý emtıhandary bolmady. Sáıkesinshe, qorytyndy baǵalar oqý jylynyń toqsandyq baǵalary negizinde qoıyldy.

Ekinshi. 9, 11 synyptarda qorytyndy attestataý ótkizý pandemııa jáne qashyqtan oqytý jaǵdaıyna ıkemdi etýge qatysty tıisti zańnamalyq normatıvtik aktilerge ózgerister engizýdi jáne retteýdi usynamyz. 

Úshinshi. 6 mamyrda UBT bastalǵany barshamyzǵa belgili. Osy oraıda, Jergilikti atqarýshy bılik organdary Bas sanıtarlyq dárigerlermen birlesip, UBT tapsyrý pýnkterinde sanıtarlyq-epıdemıologııalyq talaptardyń saqtalýyna qatysty monıtorıngtik toptar jumysynyń tıimdiligin arttyrýdy óz jaýapkershilikterine alýy qajet dep sanaımyz.

Budan ózge, kelesi aqparattardy, atap aıtqanda UBT tapsyrý pýnkteriniń «bir testilenýshi – bir kompıýter – bir kamera» qaǵıdaty negizinde oqýshylardy qabyldaý daıyndyǵy jáne Qazaqstan Respýblıkasy Densaýlyq saqtaý mınıstriniń 2017 jylǵy 16 tamyzdaǵy 611 buıryǵyna sáıkes, UBT tapsyrý pýnkteriniń sanıtarlyq-epıdemıologııalyq talaptardy, atap aıtqanda áleýmettik qashyqtyqty saqtaý, jeke qorǵanysh quraldarynyń, sanıtaızerlerdiń jetkilikti bolýy, UBT ótkiziletin ǵımarattardaǵy ventılıasııa júıeleriniń úzdiksiz jumysyn qamtamasyz etý týraly aqparatty qosymsha joldaýlaryńyzdy suraımyz" delingen depýtattyq saýalda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir