Halyk Bank Qazaqstandaǵy bızneske arnalǵan mobıldi bankter reıtınginde úzdik atandy

SME Banking Club 2021 Digital Forum-da TMD jáne Kavkaz elderindegi bızneske arnalǵan mobıldi jáne ınternet-bank – Mobile Business Banking 2021 jáne Business Online Banking 2021 boıynsha zertteý nátıjesin tanystyrdy. Halyk Bank Qazaqstandaǵy bızneske arnalǵan mobıldi bankter reıtınginde úzdik atanyp, sondaı-aq TMD jáne Kavkaz elderindegi TOP-20 úzdik mobıldi bank qataryna endi.

Zertteý nátıjeleri óńirdegi bızneske arnalǵan mobıldi jáne ınternet-bankterdiń fýnksıonalyn, ShOB klıentteri úshin mańyzdylyǵy men qajettiligin eskerdi. Atap aıtqanda, sarapshylar ár eldiń úzdikterin anyqtady jáne olardyń qatarynda Halyk Bank-tiń bızneske arnalǵan Onlinebank qosymshasy ataldy. Bul bank komandasynyń "Bir tereze" qaǵıdaty boıynsha jumys isteıtin fýnksıonaldyq jáne zamanaýı mobıldi qosymshasyn jasaı alǵanyn dáleldeıdi.

Onlinebank-ke tirkelgennen keıin birden jeke kásipker retinde tirkelýge jáne shot ashýǵa bolady. Ári qaraı, qosymshada siz tegin jetkizý qyzmeti bar korporatıvtik kartany asha alasyz nemese Apple Pay jáne Samsung Pay-ge baılanystyrýǵa bolatyn sıfrly kartany shyǵarýǵa bolady. Sıfrly karta – bul Onlinebank-te áp-sátte shyǵarylatyn jáne tolyǵymen qoldaný tegin biregeı bank ónimi.

Qosymshada aqsha aıyrbastaýǵa bolady, al kásipkerler úshin "Saýda sıgnaly" fýnksıonaly qoljetimdi, ıaǵnı kútiletin baǵamdy kórsetip, odan ary naryq ózgerip, qajetti baǵamǵa jetken kezde bank klıentke push-habarlama joldaý múmkindigin qarastyrǵan. Onlinebank-te sondaı-aq rýblmen aqsha aýdarýdyń jeńildetilgen túri bar. Endi alýshynyń derektemeleri avtomatty túrde toltyrylady. Budan basqa "Baǵdarsham" servısi iske qosyldy, onda servıs bazasy áriptesterdiń senimdiligin tekseredi.

Onlinebank qosymshasy qyzmetindegi úlken serpilistiń biri – bul telefon nómiri boıynsha jeke tulǵalar da, bıznes-seriktester de 24/7 rejıminde komıssııasyz zańdy tulǵalar men JK shottaryna aqsha qarajatyn aýdarý múmkindigi. Bul qyzmetti qoldaný úshin bıznes ıesi senimdi nómirdi Onlinebank qosymshasyndaǵy kompanııanyń shotyna tirkeýi tıis.

"Bul jetistik – Halyk Bank komandasynyń eńbegi. 2020 jyly kúrdeli koronavırýs kezeńde tek jumyla jumys istep qana qoımaı, sonymen qatar kásipkerler karantındik shekteýler jaǵdaıynda belsendi qoldanǵan ınnovasııalyq jáne praktıkalyq onlaın-servıster men ónimderdi ázirleý jáne ony engizý úshin óziniń sıfrlyq áleýetin shoǵyrlandyrdy. Búgingi jetistigimiz Halyk Bank jáne Halyk tobyndaǵy barlyq kompanııalar usynatyn onlaın-qyzmetter men ónimderdi damytýǵa qosymsha ynta beretini sózsiz", – dep atap ótti Halyk Bank tóraǵasynyń birinshi orynbasary Anton Mýsın.