Rıdderdegi órt. 35 úı janyp ketken, órtke kúdikti delingen adam ustaldy

ShQO Rıdder qalasynda bolǵan iri órtke kúdikti delingen adam ustaldy, dep jazady jergilikti ustinka.kz saıty.

Rıdder qalasynyń polısııa bólimi kúdiktige qatysty qylmystyq kodekstiń 204-baby 2-tarmaǵy boıynsha (otpen nemese qaýiptiligi joǵary ózge de kózdermen abaısyz jumys isteý arqyly jasalǵan ne aýyr zardaptarǵa ákep soqqan nemese asa iri zalal keltirgen is-áreket) sotqa deıingi tergeý bastaǵan.

Keshe Rıdder qalasyndaǵy sharýashylyqtardyń birinde qýraǵan shóp janyp, jalyn aǵashtardy sharpyn, onyń arty úlken órtke ulasqan. Kúshti jel saldarynan órt kórshi Leshoz aýylyna qaraı jyldam taralyp, turǵynúıler birinen soń biri otqa orana bastady. Sonyń saldarynan 35 úı, 9 ǵımarat órtenip, 1948 jylǵy áıel qaza tapty, 1949, 1980 jylǵy 2 adam zardap shekti.

Oblys ákimi Danıal Ahmetov órtten zardap shekkenderdiń barlyǵy baspana beriletinin, oǵan eki jarym aı qajet ekenin málim etti. Múlik shyǵyndary boıynsha, arnaıy komıssııa jumys istep, shyǵyn qunyn anyqtaıdy jáne ótemaqy taǵaıyndaıdy.

Qazirgi ýaqytta turǵynúı alqaby men sharýashylyq qurylystarynda órt tolyq sóndirilgen, orman alqabynda sóndirý jumysy jalǵasyp jatyr.