Prezıdent Qasym-Jomart Toqaev premer-mınıstr Asqar Mamındi qabyldady, dep Aqorda saıty habarlady.
Úkimet basshysy prezıdentke elde sanıtarlyq-epıdemıologııalyq jaǵdaıdyń turaqtalǵanyn aıtty. Ol COVID-19 indetiniń taralý qarqyny boıynsha Qazaqstannyń "qyzyl" aımaqtan "sary" aımaqqa ótkenin atap ótti.
– Azamattardy vaksınalaý qarqyny artyp keledi. 1 mln 565 myń adamǵa birinshi komponent salynsa, 460 myń adamǵa ekinshi komponent egilgen. 1 sáýir men 5 mamyr aralyǵynda táýliktik vaksına salý qarqyny 12,6 ese ósken. Keshe Qazaqstanda 140 myńǵa jýyq adam vaksına saldyrǵan, – dep aıtty Mamın.
Premer-mınıstr Toqaevqa bıznesti qoldaý jumystary týraly da aqparat berdi.
Ol qyzmet kórsetý salasynda "ASHYQ" qosymshasyn paıdalaný isi belsendi túrde artyp kele jatqanyn aıtty. Qazirgi ýaqytta júıe 3 myńnan astam bıznes sýbektilerin jáne eldiń 720 myń turǵynyn qamtyp otyr.
Sonymen qatar memleket basshysy Úndistandaǵy sanıtarlyq-epıdemıologııalyq jaǵdaıdyń kúrt nasharlaýyna baılanysty gýmanıtarlyq kómek jiberýdi tapsyrdy.
Kezdesý sońynda prezıdent halyqqa vaksına salý jumysynyń qarqynyn tómendetpeýdi, azyq-túlik taýarlarynyń baǵasyn baqylaýda ustaýdy tapsyrdy.
Pikir qaldyrý
pikir