06 Mamyr, 2021 NEWS
Foto: Ashyq derekkóz
Aqtóbe oblysynyń bas sanıtar dárigeri N.A.Berkimbaeva karantınge baılanysty jańa qaýly jarııalady. Qaýly qol qoıylǵan kúnnen bastap kúshine enedi.
Qaýlyǵa sáıkes:
- synyptardaǵy bala sanyn 25 adamnan asyrmaı, kontıngenti 300 oqýshyǵa deıingi qalalyq jáne aýyldyq mektepter dástúrli formatta oqytylady;
- jalpy bilim beretin mektepterde synyptaǵy bala sanyn 25 adamnan asyrmaı aralas formatta (pánderdiń 70%-yn shtattyq rejımde, 30%-yn qashyqtyqtan) oqýyna ruqsat etiledi;
- bilim berý mekemesi ákimshiliginiń sheshimi boıynsha sabaqtan tys ýaqytta toptaǵy adam sanyn 15-ten asyrmaı jeke oqytýǵa ruqsat beriledi;
- orta jáne joǵary oqý oryndarynyń I kýrs stýdentteri shtattyq rejımde oqytylady;
- mektepterdegi jáne oqý oryndaryndaǵy ashana jumysyna tyıym salynady.
Sonymen qatar bas sanıtar dáriger Ramazan aıynda otbasyndaǵy aýyzashardy qospaǵanda, ujymdyq aýyzashardy ótkizýge tyıym saldy.
- Ulttyq quramalar, klýbtyq komandalardyń sporttyq jattyǵýlaryna (30 adamnan artyq emes) ruqsat beriledi;
- sportshylar men jattyqtyrýshylar quramy COVID-19-ǵa qarsy vaksınasııalaýdyń tolyq kýrsyn alǵany týraly qujattamalyq rastaý usynǵan jaǵdaıda oblystyq komandalardy daıyndaý úshin oqý-jattyǵý jıyndaryn qaıta bastaýǵa bolady;
- kúsheıtilgen sanıtarııalyq-epıdemııaǵa qarsy jáne sanıtarııalyq-profılaktıkalyq sharalardy saqtaı otyryp kóshedegi azyq-túlik saýdasynyń ruqsat etilgen túrleriniń jumysyna (onyń ishinde tez daıyndalatyn tamaq ónimderin, balmuzdaqtardy, alyp shyǵýǵa arnalǵan kofehanany, kókónis shatyrlaryn jáne t.b. satatyn obektilerdiń) jumysyna ruqsat beriledi;
- qoǵamdyq oryndarda, halyqtyń kelýine, qyzmet kórsetýine jáne demalýyna arnalǵan úı-jaılarda, qoǵamdyq kólikte (onyń ishinde taksıde), qoǵamdyq oryndaryndaǵy ashyq aýada bolǵan kezde barlyq adamdarǵa medısınalyq nemese mata maska mindetti túrde taǵý mindetteledi;
- qoǵamdyq kólikke, taksıge, áýejaıǵa, temirjol vokzaldary men avtovokzaldarǵa, azyq-túlik jáne azyq-túlik emes bazarlarǵa, aıaldama pavılondaryna, úılerdegi kireberister men lıftilerge, aýladaǵy balalar alańdaryna jáne basqa da qoǵamdyq oryndarǵa sanıtarııalyq jáne dezınfeksııalyq óńdeý jumystaryn júrgizý kúsheıtiledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir