• USD 426.61

  • EUR 509.33

  • RUB 5.88

  • CNY 65.87

24 Maýsym, 18:48:01
Almaty
+24°
Densaýlyq saqtaý eks-mınıstri Eljan Birtanov prokýrordyń qamaý merzimin uzartý týraly talap aryzy joramalǵa qurylǵan dep sanaıdy. Nur-Sultan qalasy mamandandyrylǵan aýdanaralyq tergeý sotynda ótken sotta sóılegen sózinde ol eshqandaı jemqorlyq qylmysqa qatysy joq ekenin aıtty. Buǵan deıin prokýror Eljan Birtanov pen onyń eks-orynbasary Oljas Abishev memleketke 1,5 mlrd teńge zalal keltirgenin habarlaǵan bolatyn.

– Keshe birqatar aqparat quraldary qatelesip nemese qasaqana prokýror maǵan aıyp taqqany týraly aqparat taratty. BAQ ókilderine, maǵan áli aıyp taǵylmaǵanyn, tergeý júrip jatqanyn, búgin kúdik qanshalyqty negizdi ekeni, kúdikti retinde meniń quqyǵymdy shekteý-shektemeý máselesi qaralatynyn atap ótkim keledi. Men prokýror talap aryzynda bıýdjet qarajatyn ońdy-soldy shashty, jymqyrdy degen aıyptyń zańdy, negizi bar ekenin rastaıtyn senimdi derek joq ekenin málimdeımin. Jurt aldynda turyp, taǵy qaıtalaımyn: osy is boıynsha da, mınıstr qyzmetindegi basqa kezeńde de meniń eshqandaı jemqorlyq isterine qatysym bolmaǵan, – dedi ol.

Eks-mınıstr talap aryzda shetelde óziniń jyljymaıtyn múlki bary týraly jazylǵanyn aıtyp, sottan muny rastaıtyn qujattardy suratýdy ótindi. 

– Qurmetti sot, meniń jyljymaıtyn múlkim bar ekenin, jaqyndarymnyń shetelde turýǵa ruhsaty baryn rastaıtyn qujattar bolmasa, joq nárseni bar dep otyrǵan tergeýshi men prokýror áreketine quqyqtyq baǵa berýińizdi suraımyn, – dedi Birtanov.

Sondaı-aq Birtanov elektrondyq tólqujat qosymshasy istemeıtini týraly aıypqa da kelispeıtinin jetkizdi.
 
– Iske meniń telefonymnan jasalǵan skrınshotty tirkeýdi suraımyn. Men ózimniń jeke derekterimdi usynýǵa ázirmin. "Densaýlyq" qosymshasynan ózimniń elektrondyq tólqujatymdaǵy kóshirmeni júkteı alamyn. Alǵash ony 2019 jylǵy 16 qyrkúıekte júktedim. Artynsha 2020 jylǵy 28 tamyzda, 2021 jylǵy 23 aqpanda, 2021 jylǵy 4 sáýirde júktedim. Ashyp, ózimniń qaı emhanada tirkelgenimdi, 2020 jyly eki aýrýhanada Covid-19-dan emdelgenim týraly aqparatty kórsete alamyn, – degen ol qosymsha qyzmeti tolyq istep turǵanyn, tek tolyqtyrýǵa baılanysty máseleler baryn, ol úrdis emhanalardyń aqparat júıesi platformaǵa qosylýyna baılanysty ekenin aıtty.

Eks-mınıstr Eljan Birtanov 2020 jylǵy 3 qarashada asa iri kólemde bıýdjet qarjysyn ysyrap etý faktisi boıynsha kúdikke ilinip, qamaýǵa alynǵan.

7 qarashada Birtanovqa qatysty bultartpaý sharasy ózgertilip, úı qamaqqa alynǵan. Munan soń úı qamaqqa alý sharasy áldeneshe ret uzartylǵan.

Jýyrda, 21 sáýirde Birtanovqa qatysty úı qamaqqa alý túrindegi bultartpaý sharasy 2021 jylǵy 14 mamyrǵa deıin uzartyldy. Alaıda sot bul joly oǵan 8:00 men 19:00 aralyǵynda úıinen shyǵýǵa ruhsat berdi. Sot mundaı sheshimdi eks-mınıstrdiń bultartpaý sharasyn buzbaýymen túsindirip, el ıgiligi jolynda jumys isteýine bolatynyn málim etti. Oǵan deıin Birtanovqa otbasy músheleri men advokatynan ózge eshkimmen sóılesýge bolmaıtyn. Tipti oǵan shashtaraz da kirgizilmegen. Endi jańa sharalarǵa baılanysty ol jumysqa bara jatyp jolaı jolyqqan adamdarmen sóılese alady. 8:00 men 19:00 aralyǵynan tys ýaqytta shekteý burynǵysha qala beredi.

26 sáýirde Birtanovtyń kommersııalyq qurylymda jumys istep jatqany týraly aqparat shyqty.

"Qamshy" silteıdi
Ilmek sózder: Birtanov isi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir