Ilon Masktyń besinshi juldyz kemesi jerge qonýdy sátti júzege asyrdy

SpaceX kompanııasy "Starship" dep atalatyn juldyzaralyq kemeni jasaýdy birtindep alǵa bastyryp keledi.

Eń sońǵy prototıp SN15 dep atalatyn juldyzkeme kókke kóterilýdi jáne qonýdy sátti oryndady.

Buǵan deıingi tórt synaqtyń barlyǵynda juldyzkemeler jarylyp ketken.

Osy joly juldyzkemeniń SN15 nusqasy Tehastaǵy SpaceX-tiń ǵaryshqa ushyrý alańynda jerge sátti qondy.  Naqty baqylanǵan manevr jasalyp jáne barlyq buıryqtar tabysty oryndaldy.

SpaceX kompanııasynyń dırektory Ilon Mask osyndaı juldyzkemeler arqyly Aıǵa 2023 jyly, Marsqa 2026 jyly adamdardy jiberetinin jarııalaǵan. NASA Aıǵa ǵaryshkerler jiberý úshin SpaceX kompanııasyn tańdaǵanyn málimdegen bolatyn. 

Juldyzkemeniń tabysty qoný barysyn SpaceX kompanııasynyń YouTube arnasy arqyly kóre alasyz: