• USD 424.85

  • EUR 504.21

  • RUB 5.84

  • CNY 65.86

20 Qazan, 07:14:38
Almaty
+11°

Reseıdiń Syrtqy ister mınıstri Sergeı Lavrov "Habar agenttiginiń" basqarma tóraǵasy Erlan Bekhojınge bergen suhbatynda Reseı dýmasy depýtattarynyń "Qazaqstan terrıtorııasy Reseı tarapynan jasalǵan syı" degen mazmundaǵy daýly málimdemesine pikir bildirdi.

– Saıasatkerler mansabyn ártúrli jasaıdy. Sensasııalyq málimdemege qumarlary bar. Qoǵamda pikir týǵyzatyn jaıttardy kóterip, este saqtalyp qalǵysy keledi. "Bastysy, gazettiń alǵashqy betine shyqsaq boldy" degendeı. Biraq Reseı Federasııasynyń Qazaqstanǵa degen kózqarasyn aıqyndaıtyn naǵyz kóshbasshylar mundaı qadamǵa barmaıdy. Eshqashan olaı jasamaıdy da. О́ıtkeni ol odaqtastyǵymyzǵa, arada jasalǵan kelisimderge saı kelmeıdi. Biz bir-birimizdiń táýelsizdigimiz, aýmaqtyq tutastyqtyǵymyz, saıası kózqarastarymyzdy syılaýymyz kerek. Qarym-qatynasty memleket basshylary qol qoıǵan qujattar, parlamentter bekitken zańdar, halyqaralyq quqyq normalar negizinde jalǵastyramyz. Osyndaı arandatýshylyq baǵyttaǵy málimdemeler demokratııanyń bir qundylyqtaryna aınalyp ketti. Olar tek belgili bir ortada talqylanyp qalýy qajet. Naqty saıasatqa kelgende arandatýshylyq bolmaıdy dep sendiremin, – dedi Lavrov.


Byltyr jeltoqsanda Reseı memlekettik birneshe depýtat Qazaqstan terrıtorııa Reseı tarapynan jasalǵan syılyq ekenine meńzep, ony Reseıge qaıtarýy kerektigi týraly málimdeme jasaǵan.

Bul málimdemeler Qazaqstan qoǵamynda qyzý talqylanyp, azamattardyń narazylyǵyn týdyrdy. Bastapqyda Qazaqstan Syrtqy ister mınıstrligi narazylyq notasyn jarııalasa, artynsha prezıdent Q.Toqaev 2020 jylǵy jańa jyldyq quttyqtaýynda, sondaı-aq 2021 jylǵy 5 qańtarda jarııalanǵan "Táýelsizdik bárinen qymbat" atty maqalasynda "biz ulttyq múddeni aspen de, taspen de qorǵaýǵa daıyn bolýymyz qajet" dep daýly málimdemelerge jaýap bergen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir