• USD 426.61

  • EUR 509.33

  • RUB 5.88

  • CNY 65.87

24 Maýsym, 19:22:48
Almaty
+23°

Áleýmettik jelide Almaty turǵyny Bahytjan Nurtazın koronavırýsqa qarsy ekpe saldyrǵannan keıin qaıtys bolǵany týraly aqparat tarady. Almatynyń qoǵamdyq densaýlyq saqtaý basqarmasy azamat vaksınanyń ekinshi dozasyn saldyrǵannan kóz jumǵanyn rastap, ólimge ne sebep bolǵany anyqtalyp jatqanyn málim etti.

Basqarma dereginshe, B.Nurtazın vaksınanyń alǵashqy dozasyn saldyrý úshin emhanaǵa 12 sáýirde júgingen.

"Prosedýra hattamaǵa saı ótti. Vansınasııadan keıin Nurtazın 30 mınýt baqylaýda boldy. Densaýlyǵyna shaǵymdanbady. 21 kúnnen keıin vaksınanyń ekinshi komponentin aldy. Dáriger qaraǵan kezde jaǵdaıy qanaǵattanarlyq bolǵan. 30 mınýt baqylanǵan soń Nurtazın úıine qaıtqan. Densaýlyǵy úıinde nasharlaǵan. Azamat jedel járdem kelgenge deıin júrip ketti" dep habarlaǵan basqarmadaǵylar ázirge qolda bar aqparat boıynsha, ólimge júrek talmasy sebep bolǵanyn aıtady.

Basqarmadaǵylar ólim sebebin anyqtaý úshin tergeý júrgizilip jatqanyn, sotmed saraptama taǵaıyndalǵanyn málim etti.

"Nátıje qosymsha habarlanady. Tolyqqandy dıagnoz gıstologııalyq zertteýden keıin belgili bolady" delingen basqarma taratqan aqparatty habarlamada.

Bul – vaksına saldyrǵannan keıin arty ólimge ulasqany kópshilikke taralǵan Qazaqstandaǵy alǵashqy jaǵdaı. 6 mamyrdaǵy málimet boıynsha, elde 1 mln 565 myń 681 adam koronovırýsqa qarsy vaksına saldyrǵan. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir