"AQSh Beıjińde ótetin Olımpıadaǵa boıkot jarııalaýy múmkin". Shetel jańalyqtaryna sholý

• Moderna kompanııasy halyqaralyq COVAX mehanızmi aıasynda damýshy elder úshin COVID-19-ǵa qarsy 500 mln vaksına berýge ázir.

• AQSh-tyń federaldyq qor júıesi 2021 jyly AQSh ekonomıkasynyń ósimi 7%-dy quraýy múmkin dep otyr.

• Facebook Tramptyń akkaýnty týraly sheshimdi 5 mamyrda qabyldaıtynyn aıtty. Onyń akkaýnty prezıdent saılaýy kezinde ádepten tys, etıkaǵa jat, qyzmettik quqyn asyra paıdalaný sekildi sebeptermen buǵattalǵan bolatyn. 

• AQSh memlekettik hatshysy Entonı Blınken AQSh 2022 jyly Beıjińde ótetin Olımpıadaǵa boıkot jarııalaýy múmkin ekenin ymdady. 

• Djo Baıden bıylǵy jylǵa bosqyndar lımıtin 62,5 myńǵa kóteretinin jarııalady.

• Keshe Ýkraınanyń qatysýymen Defender Europe 21 oqý-jattyǵý oıyndary bastaldy. Bul oqý-jattyǵýlar 1995 jyldan beri ótkizilip keledi. Qazirgisi maýsym aıyna deıin sozylady. Ol ázirge ońtústik-shyǵys Eýropadaǵy asa iri oqý-jattyǵý bolmaq. Oǵan AQSh qarýly kúshteri, NATO jáne alıanstyń áriptesteri qatysyp jatyr.

Maqsaty – áskerı áriptestikti kúsheıtý, AQSh Qarýly kúshteri men NATO, jáne basqa da odaqtastar arasynda strategııalyq jáne operatıvti daıyndyq pen ózara yqpaldastyqty arttyrý.

27 memleket qatysqaly otyrǵan bul oqý-jattyǵýlar ondaǵan elderde ótetin bolady, 28 myńnan astam áskerı adam qatysady. Jalpy geografııasy – Balqan túbegi, Albanııa, Prıbaltıka, Qara teńiz jáne Afrıka aımaǵy.

Qýanysh Edilhantegi

Sholýshy