• USD 468.56

  • EUR 497.56

  • RUB 7.3

  • CNY 67.18

28 Naýryz, 20:03:54
Almaty
+35°

Májilis spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar "Saılaý týraly" konstıtýsııalyq zań jobasyna engizilgen túzetýlerdi maquldady.

Zań jobasy boıynsha, ákimdikke kandıdattardy saıası partııalarmen de, azamattardyń ózin-ózi usyný tártibimen de kandıdatýralardy berý kózdeledi.

Kandıdattardy tirkeý, kandıdatýrany alyp tastaý tártibi, ákimdi saılaý kezinde daýystardy sanaý, osy saılaýdyń qorytyndylaryn anyqtaý jáne jarııalaý tártibi belgilenedi.

Zań jobasymen barlyq deńgeıdegi saılaýda beriletin bıýlletenderge "barlyǵyna qarsy" baǵan engiziledi. Saıası partııalar úshin Parlament Májilisine ótý shegi tómendetiledi. Sondaı-aq, zań jobasynda aýdandyq mańyzy bar qalalardyń, aýyldardyń, aýyldyq okrýgterdiń ákimderin tikeleı saılaýǵa qatysty normalar qamtylǵan.

Osy rette, májilis tóraǵasy Nurlan Nyǵmatýlın:

– Zań jobasy tikeleı memleket basshysy Qasym-Jomart Kemeluly Toqaevtyń  tapsyrmasyna sáıkes ázirlendi. Onda Prezıdentimizdiń saıası partııalarǵa jáne saılaýda beriletin bıýlletenge qatysty usynystary engizildi. Sonymen birge, aýyldyń, aýyldyq okrýgterdiń ákimderin tikeleı saılaýdy, qamtamasyz etetin jańa normalar qabyldandy. Osynyń barlyǵy Memleket Basshysynyń saıası jańǵyrtý bastamalaryn zań jaǵynan qoldaýǵa arnalǵan taǵy  bir naqty  qadam, – deýge bolady dedi.

Májilis tóraǵasynyń aıtýynsha, ol eń aldymen, memlekettik organdar men halyq arasyndaǵy baılanysty kúsheıtýge jáne ákimderdiń turǵyndar aldyndaǵy jaýapkershiligin nyǵaıtýǵa jańa  serpin beretin bolady. Bul óte mańyzdy másele. Sebebi, jergilikti halyqpen tikeleı baılanys ornatatyn negizgi tulǵa ol – árıne aýyldyń ákimi.

Sonymen birge, bul zań jobasy aýyl azamattarynyń saıası belsendiligin odan ári  arttyrýǵa da zor yqpal  etetini sózsiz.

Májilistiń baspasóz qyzmeti

"Qamshy" silteıdi
Ilmek sózder: Saılaý týraly

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir