• USD 424.85

  • EUR 504.21

  • RUB 5.84

  • CNY 65.86

27 Qarasha, 14:09:55
Almaty

Májilis otyrysynda palata spıkeri Nurlan Nyǵmatýlın Densaýlyq saqtaý mınıstri Alekseı Soıdan turǵyndar men jýrnalısterdiń vaksınasııa týraly suraqtaryna naqty jaýap berýin surady.

Nurlan Nyǵmatýlın Alekseı Soıdan vaksınanyń eki komponentimen vaksınasııalanǵan adamdar sany boıynsha surady.

– Jýrnalıstermen kezdeskende halyqqa qolda bar naqty sandardy  aıtyńyz. Al mynaý ekvılıbrıstıka bárin shatastyrdy. Siz ekinshi doza 21 kúnnen keıin egiledi dedińiz. Al keı orynbasarlaryńyzdyń biri 90 kún deıdi. Al qazir siz eń kóp degende 45 kún dep otyrsyz. Bárin shatastyryp jiberdińiz!  Biz halyqaralyq standart aıasynda jyljyp kelemiz. Sondyqtan tym bolmasa vaksınasııany durys uıymdastyryńyzdar. Bir aqparat shyqsa, al keıin basqa qyzmetkerińiz basqasyn aıtady. Jurttyń basyn qatyrmaıyq. Eger de eki doza bolsa, ekeýin de saldyrý qajet. 15 kúnnen keıin antıdeneler qalyptasady degen – aqtalý Alekseı Vladımırovıch. Eki dozany alǵan adam ǵana vaksınalanǵan bolyp sanalady. Mine, solardy esepteý kerek – dedi Nyǵmatýlın.

Buǵan deıin mınıstr elge 2,3 mln doza vaksına jetkizilgenin, 1,4 mln adamǵa vaksınanyń birinshi komponenti egilgenin habarlaǵan. Búginde vaksınanyń ekinshi komponentin 347 myń adam saldyrdy. 

Densaýlyq saqtaý mınıstri Alekseı Soı koronavırýsqa qarsy vaksına azamattarǵa erikti túrde salynatynyn jáne vaksınasııa jetkilikti qarqynmen júrip jatqanyn jetkizdi.

– Vaksınansııanyń ekinshi komponenti 21 jáne eń kóbi 45 kúnnen keıin  salynady. Birinshi komponentti saldyrǵannan keıin antıdeneler 15 kúnde paıda bolatynyn túsiný qajet. Jetkizýdiń naqty kesteleri bar. Biz óńirlermen jumys isteımiz. Keshe 117 myń adam vaksına saldyrdy. Turǵyndar kóptegen tanysy vaksına saldyryp jatqanyn kórip, eshqandaı da asqyný joǵyn baıqaýda. Azamattardyń belsendiligi artyp kele jatqanyn baıqap otyrmyz, – dep jaýap berdi Soı. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir