• USD 426.61

  • EUR 509.33

  • RUB 5.88

  • CNY 65.87

24 Maýsym, 18:04:49
Almaty
+26°

Qazaq KSR-niń halyq ártisi, ánshi, kompozıtor Eskendir Hasanǵalıevtiń denesi Almatydaǵy Keńsaı zıratyna jerlendi. Bul týraly Astana arnasy habarlady.

30 sáýirde ánshi-kompozıtor Eskendir Hasanǵalıev 81 jasynda koronavırýstan qaıtys bolǵan.

Basylym málimetinshe, qoshtasý rásimi kompozıtordyń óz shańyraǵynda ótken. Qaraly jıynǵa jınalǵandar óner ıesin aqtyq saparǵa "Atameken" ánimen shyǵaryp salǵan. 

– Onyń shyǵarmashylyǵy, óneri halyqtyń júreginde qalady. Men barsha kelgen aǵaıyndarǵa, búkil dárigerlerge, joldastaryma rahmetimdi aıtamyn. Papam meniń júregimde máńgi qalady, – dedi kompozıtordyń uly Birjan Hasanǵalıev.

Eskendir Hasanǵalıev 1940 jyly 13 aqpanda Batys Qazaqstan oblysy Qaratóbe aýdany Qaldyǵaıty okrýgi Batpaqkól mekeninde dúnıege kelgen.

Qurmanǵazy atyndaǵy Almaty memlekettik konservatorııasynyń vokaldy-horlyq fakýltetin E. Vınogradov pen N. Sharıpovanyń klasy boıynsha kýrsty bitirgen. Ál-Farabı atyndaǵy Shymkent mádenıet ınstıtýtyn támamdaǵan. 1970 jyldan bastap, Qazaq radıosy men teledıdarynyń solısi bolǵan.

E.Hasanǵalıevtiń oryndaý máneri joǵarǵy kásibı deńgeımen erekshelenetin. Ol Qazaqstannyń belgili estradalyq ánshileri oryndaıtyn kópshilikke jaqsy tanymal ánderdiń avtory bolǵan.

Hasanǵalıevtiń "Ádemi", "Asyl arman", "О́mirimniń jazy", "Atameken" ánderin tek Qazaqstan tyńdarmandary emes, shetelderde de yqylaspen qabyldaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir