COVID-19 vaksınasyn alǵandar qashyqtan jumys isteý rejıminen keńselerge orala alady

COVID-19 vaksınasyn alǵandar qashyqtan jumys isteý rejıminen keńselerge orala alady. Bul týraly elimizdiń bas sanıtarlyq dárigeriniń 30 sáýirde jarııalanǵan https://www.gov.kz/memleket/entities/kkkbtu/press/news/details/195952?lang=ru qaýlysynda aıtylǵan. Búgin óńirlik kommýnıkasııalar qyzmetiniń onlaın-brıfıngi barysynda Almaty qalasy Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova atalǵan sharany túsindirdi.

Qaýlyda kórsetilgendeı, áleýmettik-ekonomıkalyq nysandardyń jumysyn shekteý talaptaryna sáıkes, «qyzyl» aımaqta 80% – y qashyqtyqtan isteý rejımine, 20% - y kúndizgi rejımge aýystyrylýy tıis. «Sary» aımaqta: 50% – qashyqtyqtan isteý rejımine, 50% - kúndizgi rejımge kóshýi tıis. «Jasyl» aımaqta: 30% – qashyqtyqtan isteý rejımine, 70% - kúndizgi rejımge aýysady.

Eskertpede uıymdar, keńseler qyzmetkerlerge COVID-19-ǵa qarsy vaksınasııa júrgizgen jaǵdaıda qashyqtyqtan jáne tikeleı jumys ornyna barý formattarynda jumys isteıtin qyzmetkerlerdiń paıyzdyq araqatynasy jónindegi talaptardy eskermesten qyzmetin júzege asyratyny túsindiriledi. Bul rette sońǵy 6 aı ishinde COVID-19-ǵa qarsy vaksınasııanyń tolyq kýrsyn alǵan jáneCOVID-19-ben aýyryp, jazylǵan barlyq qyzmetkerlerdiń kúndizgi rejımde jumys isteýine jol beriledi. Osylaısha, vaksınasııanyń tolyq kýrsyn alǵan azamattar ózderiniń turatyn jerleriniń qaı aımaqta ekenine qaramastan kúndizgi rejımde jumys isteýge jiberiledi.

«Árbir jumys berýshi onyń kásiporny tolyǵymen jumys isteýi úshin óz ujymyn vaksınasııalaýǵa qyzyǵýshylyq tanytady. Shynynda da vaksınasııalanbaǵan qyzmetkerler qashyqtyqtan isteýge ketedi. Eger biz osy ınfeksııany jeńgimiz kelse, qalypty ómirge oralyp, koronavırýsty jeńe alatyn ımmýndyq qabat qurǵymyz kelse, onda árkim ýaqtyly egilýi kerek. Meniń oıymsha, bári ekpe alý sheshim qabyldaıdy jáne osy prosesti odan ary keshiktirmeıdi. Eger adam vaksınanyń birinshi komponentin alsa, onda ol mindetti túrde ekinshi komponentten ótýi kerektigi týraly habardar etiledi», - dep habarlady Á.Qalyqova.

Sondaı-aq, ol jumys berýshiler óz ujymdarynda ekpe saldyrýdyń óte mańyzdy ekenin túsindirýleri tıis dep atap ótti