Halyqty jumyspen qamtý boıynsha sońǵy eki aptada KVI juqtyrýdyń 23,6% - y túrli JShS, JK, AQ qyzmetkerlerine tıesili: almatylyqtardy vaksına alýǵa shaqyrady

Búgin О́ńirlik kommýnıkasııalar qyzmetiniń onlaın-brıfıngi barysynda Almaty qalasy Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova vaksınalaý pandemııanyń aldyn alýdyń jalǵyz quraly ekenin atap ótti. Onyń aıtýynsha, betperde kıip, qoldy óńdep, baılanys jasaýdy shekteý kerek, alaıda aýrýǵa qarsy kúreste eń tıimdi qorǵanys vaksınalaný.

Ásel Qalyqovanyń habarlaýynsha, indet bastalǵannan beri Almaty qalasynda KVI-diń 55 myńnan astam jaǵdaıy tirkelgen (56526 jaǵdaı, 100 myń turǵynǵa shaqqandaǵy kórsetkish 2852,3), onyń ishinde 2021 jyldyń basynan bastap 3 mamyrdy qosa alǵanda 38005 jaǵdaı (100 myń turǵynǵa shaqqandaǵy kórsetkish 1917,7). Mysaly, qańtarda 3607 juqtyrǵan adam tikelse, aqpanda 2945 jaǵdaı, naýryzda - 9525, sáýirde 19918 jaǵdaı tirkeldi.

«Sońǵy táýlikte 658 jaǵdaı tirkeldi. Táýliktik ósimniń de, syrqattanýshylyq kórsetkishiniń de sońǵy 7 kúnde 247,5 - ten 243,2-ge deıin bolmashy tómendeýi baıqalady, alaıda reprodýktıvti sany 1,0 deńgeıinde saqtalyp otyr», - dep atap ótti Almaty q.SEBD basshysynyń orynbasary Ásel Qalyqova.

Qabyldanǵan sanıtarlyq-epıdemıologııalyq sharalardyń, sondaı-aq jappaı vaksınasııalaýdyń arqasynda syrqattanýshylyqty edáýir tómendetýge múmkindik týdy. Kóptegen almatylyqtar vaksınanyń eki komponentin de aldy. Vaksınalaýdyń belsendi qarqyny saqtalǵan jaǵdaıda megapolıs turǵyndarynda ujymdyq ımmýnıtet qalyptasady.

Epıdemıolog Ásel Qalyqova COVID-19-ǵa qarsy ujymdyq ımmýnıtetti adamdarǵa koronavırýstyń áser etýimen emes, vaksınasııa arqyly qorǵaýdy qamtamasyz etý kerektigin atap ótti. Sondyqtan koronavırýspen aýyrǵannan keıin paıda bolǵan antıdenelerge úmittenýdiń qajeti joq, baryp, vaksınasııa alý kerek.

«Koronavırýs aýrýynan keıingi ımmýnıtet kóptegen erekshelikterge ıe jáne adamnyń jeke ımmýnıtetine baılanysty. Adamnyń aýyryp, odan emdelgeni onyń ımmýnıtetiniń qorǵalǵanyn bildirmeıdi. Kovıdtiń kez kelgen formasymen aýyryp, jazylsa da, onyń aǵzasyndaǵy antıdeneler azaıǵan kezde ol qaıtadan juqtyryp alýy múmkin – al bul koronavırýs jaǵdaıynda aıtarlyqtaı tez tómendeıdi. Sondyqtan vaksınasııa máselesine barynsha baıyppen qaraý kerek», - dedi ol.

Ásel Qalyqova koronavırýsqa qarsy vaksınasııa óte qajet ekenin jáne biz onyń oń nátıjesin keıbir elderdiń mysalynda kórip otyrǵanymyzdy aıtty. Mysaly, Izraılde, Ulybrıtanııada.

«Iаǵnı, biz vaksınasııadan ótken elderdiń mysalynda aýrý men ólim - jitimniń aıtarlyqtaı tómendegenin kóre alamyz, demek, ujymdyq ımmýnıtetke qol jetkizýdiń bul ádisi óte tıimdi», - dep túsindirdi epıdemıolog.

Sonymen qatar, Almatyda turǵylyqty jeri boıynsha jaqyn baılanysta bolǵan 7002 jáne jumys orny boıynsha baılanysta 302 bolǵan KVI-diń 5278 belsendi oshaǵy medısınalyq baqylaýda. Sonymen qatar, almatylyq epıdemıologtar sońǵy úsh aptadaǵy naýqastardyń jas quramyna taldaý jasady.

«Júrgizilgen taldaý derekteri boıynsha, 1 jasqa deıingi balalar aýrýshańdyǵynyń 0,3% – ǵa jáne 20-39 jastaǵy jastardyń 2,5% - ǵa tómendeýinen basqa aıtarlyqtaı ózgerister anyqtalǵan joq. Bul rette, burynǵydaı, negizinen 20-70 jas aralyǵyndaǵy belsendi turǵyndar KVI juqtyrýǵa beıim, bul juqtyryp, naýqastanǵan adamdardyń jalpy sanynyń 76% - yn quraıdy", - dep habarlady Ásel Qalyqova.
Halyqty jumyspen qamtý boıynsha sońǵy 14 kúnde KVI-men aýyratyn 9590 naýqastyń ishinde KVI eń kóp tirkelgen:
túrli JShS, JK, AQ jumyskerleri arasynda - 23,6% (2264 adam.),
zeınetkerler arasynda - 17,6% (1690 adam).);
mektepke deıingi jastaǵy balalararasynda - 4,7% (453 jaǵdaı).

Eske salsaq, QR Bas memlekettik dárigeriniń qaýlysyna sáıkes, uıymdar, keńseler qyzmetkerlerdi COVID-19-ǵa qarsy vaksınalaný jaǵdaıynda qashyqtyqtan jáne kúndizgi jumys formatynda jumys isteıtin qyzmetkerlerdiń paıyzdyq araqatynasy boıynsha talaptardy eskerýsiz júzege asyrady. Bul rette sońǵy 6 aı ishinde COVID-19-ǵa qarsy vaksınalaýdyń tolyq kýrsyn alǵan jáne COVID-19-ben aýyryp jazylǵan barlyq qyzmetkerlerdiń kúndizgi rejımde jumys isteýine bolady.