Prezıdent Qasym-Jomart Toqaev Úndistan premer-mınıstri Narendra Modıge jedelhat joldady, dep habarlady Aqorda saıty.

Jedelhatta Toqaev Úndistanda COVID-19 indetiniń qatty órshýine baılanysty qalyptasqan qıyn-qystaý kezeńde Qazaqstan halqy jáne jeke ózi úndi eliniń qaıǵy-qasiretine ortaq ekenin jetkizgen.

"Memleket basshysy koronavırýstyń shekaraǵa baǵynbaıtynyn, búkil álemge taralyp, adamdarǵa kóptep juǵyp jatqanyn qynjyla atap ótti. Ol indetten qaıtys bolǵan adamdardyń otbasylaryna kóńil aıtyp, dertke shaldyqqandardyń tezirek saýyǵyp ketýine tilektestik bildirdi.

Osyndaı qıyn-qystaý kezeńde biz úndistandyq dostarymyzben birge pandemııany aýyzdyqtaý maqsatynda kúsh biriktirýge jáne memleketterimiz arasyndaǵy berik dostyq pen ózara qoldaý aıasynda qajetti kómek kórsetýge daıynbyz. Úndistan Úkimeti Sizdiń dana basshylyǵyńyzben bul daǵdarysty eńserip, eldiń qalypty ómirge oralýyn qamtamasyz ete alatynyna kámil senemin" delingen jedelhatta.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir