Microsoft-tyń negizin qalaýshylardyń biri ári burynǵy bas dırektory Bıll Geıts Twitter-de áıeli Melında ekeýi ajyrasý týraly sheshim qabyldaǵandary jóninde málim etti. Hatqa Bıll men Melında Geıts qoldary qoıylǵan.

"Uzaq oılana kele ári qarym-qatynasymyzǵa qatysty úlken jumysty eńserip, nekemizdi úzý týraly sheshimge keldik. Sońǵy 27 jylda biz keremet úsh balany ósirip, álemdegi adamdarǵa jaıly da ónimdi ómir syılaýǵa múmkindik beretin irgetas qalyptastyrdyq" degen Geıtster ómirdiń kelesi keńeńinde juptasyp júre alatynyna senbeıtinin atap ótip, otbasylary jalǵyz qalýy úshin keńistik qaldyrýdy suraǵan.

Bıll Geıts uzaq jyl álemdegi eń baı adam bolyp kelgen. 124 mlrd dollar baılyǵy bar ol búginde álemdi 4tórtinshi baı adamy sanalady. Geıts ǵylym men bilimge, densaýlyq salasyna kóp mólsherde qaıyrymdylyq jasaǵan.

Forbes.kz saıtynyń jazýynsha, Bıll Geıts Microsoft aksııalarynyń 1,37 paıyzyna ıelik etedi. Onyń quny 26 mlrd dollar. Byltyr Geıts koronavırýs pen pandemııamen kúresý úshin dep Microsoft basshylyǵynan ketken. Sodan beri ózi men áıeli 2000 jyly qurǵan Bıll men Melında Geıts kommersııalyq emes uıymynda kóp ýaqytyn ótkizgen. 

"Qamshy" silteıdi
Ilmek sózder: Bıll Geıts

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir