Foto: Nur-Sultan qalasy tótenshe jaǵdaılar departamentiniń baspasóz qyzmeti

Nur-Sultan qalasynda jer úı órtenip, jalyn 300 sharshy metr aýmaqqa taralǵan. Bul týraly qalalyq tótenshe jaǵdaılar departamentiniń baspasóz qyzmeti habarlady.

"2 mamyrda saǵat 12:22-de Nur-Sultan qalasy tótenshe jaǵdaılar departamentiniń órt sóndirýshileri Saryarqa aýdany, Bógenbaı dańǵyly 73/1 mekenjaıyna habarlama boıynsha bardy. Kelgen boıda qýraǵan aǵashtyń janýynan jaqyn mańdaǵy jeke úıge órttiń taralyp jatqany anyqtaldy" delingen habarlamada.

Foto: Nur-Sultan qalasy tótenshe jaǵdaılar departamentiniń baspasóz qyzmeti

Vedomstvo málimetinshe, 300 sharshy metr aýmaq órtengen. Qazirgi ýaqytta jeke quramnan 15 adam jáne úsh tehnıka órtti sóndirýge jumyldyrylǵan. Qaza bolǵandar men zardap shekkender joq.

– Shóptiń, qýraǵan aǵashtyń janýy – basqarylmaıtyn prosess. Qatty janyp jatqan órtti toqtatý ońaı emes. Shópterdiń janýynan úıler, tipti búkil saıajaılar men aýyldarda da órt jaǵdaıy óte jıi bolyp júr, – dep eskertti departament ókilderi.

Foto: Nur-Sultan qalasy tótenshe jaǵdaılar departamentiniń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir