Almatyda áleýmettik mańyzy bar azyq-túlik taýarlarynyń baǵasyn turaqtandyrý máselesi erekshe baqylaýda tur

Almatyda áleýmettik mańyzy bar azyq-túlik taýarlary baǵasynyń turaqtylyǵyn qamtamasyz etý máselesi erekshe baqylaýda tur.

Qalanyń azyq-túlik qaýipsizdigin qamtamasyz etý, sondaı-aq áleýmettik mańyzy bar azyq-túlik taýarlaryna baǵanyń negizsiz ósýine jol bermeý úshin Almaty ákimdigi birqatar keshendi jáne jedel sharalar qabyldaýda. Máselen, "Magným" (5,9 mlrd.tg) jáne "Toımart" (404 mln. tg) iri saýda jelilerinde ÁMAT-nyń 19 ataýy tirkelgen, tómendetilgen baǵamen satyp alý jáne satý úshin jeńildikti qaryzdar berildi. Qazirgi ýaqytta "Toımart" saýda jelisimen kelisim-shart 2021 jyldyń qarashasyna deıin uzartyldy.

Sonymen qatar, "aınalym" qaryzdaryn berý arqyly iri taýar óndirýshilerdiń satý baǵalary belgilendi. "Aqsaı "NTK" JShS-ne nan jetkizilimi úshin (1 mlrd.tg), "Asyl Meat" JShS-ne (42 mln. tg) jáne "Union Products" JShS-ne (250 mln. tg) V, S klasty sıyr etin (tós-jaýyryn bóligi) dúkenderge jetkizý úshin nesıeler berildi. Basqa taýar óndirýshilerge aınalymdyq qaryzdaryn berý qosymsha júzege asyrylýda.

Qalanyń jeti negizgi azyq-túlik bazarlarynda (Kók bazar, Jańa Aqbulaq (kóterme saýda), Sary-Arqa, Tastaq, Taýsamaly, Almaty-1, Túrksib jármeńkesi) "áleýmettik dúkender" ashyldy. Onda 10 túrli ÁMAT (kartop, sábiz, pııaz, qyryqqabat, qant, qaraqumyq, kúnbaǵys maıy, kúrish, makaron ónimderi, un) satylady. Baǵalar ortasha naryqtyq baǵadan tómen, bul satýshylar arasynda básekelestik orta qalyptastyrady. Mundaı tetik óziniń tıimdiligin kórsetti, osyǵan baılanysty atalǵan satý núkteleriniń jumysy 2021 jylǵy 30 tamyzǵa deıin uzartyldy.

Magným jáne Small saýda jelilerinde lıtry úshin 385 teńge baǵamen tirkelgen "Jaılaý" kúnbaǵys maıy 100 000 lıtr kóleminde satylýda, bul statıstıka departamentiniń baǵasynan 43,6% -ǵa (684 tg/l) tómen.

"Magným" saýda jelisinde 2020-2021 jj. maýsymaralyq kezeńinde (2020 jylǵy qarashadan 2021 jylǵy mamyrǵa deıin) 14 myń tonnadan astam kókónis (kartop, sábiz, pııaz, qyryqqabat) satyldy. Atalǵan qordy orta naryqtyq baǵadan tómen baǵamen iske asyrýdyń arqasynda, qala boıynsha osy kókónis serııasynyń baǵasyn turaqtandyrýǵa múmkindik týdy. Osyǵan oraı "Magnýmnyń" kókónister bólimin jáne basqa da saýda jelilerin qamtamasyz etý úshin 2021-2022 jj. maýsymaralyq kezeńde (2021 jylǵy qyrkúıekten 2022 jylǵy sáýirge deıin) kókónis kólemin 22 myń tonnaǵa deıin ulǵaıta otyryp, 2,5 mlrd. teńgege "forvardtyq" satyp alý sharty jasaldy.

Birinshi sanattaǵy jumyrtqalarǵa osy jyldyń 30 maýsymyna deıin shekti baǵa (487 tg/on danasy) belgilendi. Buǵan deıin (osy jyldyń 1 naýryzyna deıin) qaraqumyq jarmasy (361 tg/kg) men qanttyń (30 naýryzǵa deıin 254 tg/kg) shekti baǵasy qoldanylǵan, bul ár pozısııa boıynsha 90 kún ishinde baǵany turaqtandyrýǵa múmkindik berdi.

Almaty qalasynda áleýmettik mańyzy bar azyq-túlik taýarlarynyń baǵasyn turaqtandyrý máselesi erekshe baqylaýda. Qalanyń negizgi bazarlarynda, saýda jelilerinde, sýpermarketterinde áleýmettik mańyzy bar azyq-túlik taýarlary baǵalarynyń kúndelikti monıtorıngi jalǵasyp jatyr.