JYR-ZAPYRAN!..

Kórgen qorlyq jyldar boıy jınalǵan,
Tún balasy qaıran júrek qınalǵan.
Bul álemde bizdeı bir Ult bar ma eken,
Kileń teksiz aqyldy alǵan, mıdy alǵan?..

Taǵdyr joly aýyr ma eken, tar ma eken,
Ishten jylap, tunshyǵatyn zar ma eken?
Qaıran Ulttyń keýdesine jınalǵan
Zapyrandy kórgen bireý bar ma eken?..

Qalaı tózem, Ulttyń jaıyn joqtamaı,
Kim boldy ózi sóılemeıtin «ottamaı»?
Myna mende zapyran-jyr jınalǵan
Jónele me aǵyl-tegil toqtamaı?...

BEIShARA KIM?

Kúndiz-túni Ult Namysyn taptaǵan,
Elde túk te qalmaǵandaı satpaǵan?
Bir sumdyǵy, Táýelsizdik arqyly
Kileń ury, kileń jemqor – qaptaǵan...

Namys qaıda, syn saǵatta UL aıtar?
«Lápbaı, taqsyr!» - bul ıshara qul aıtar,
Týmaı jatyp ar-uıatyn joǵaltqan
Bizdiń Ultta beıshara kim, kim aıtar?..

Daıyn turar óz qazaǵyn júndeýge,
Daıyn bastan jóneltýge múldemge.
Qalaýynsha Ult baılyǵyn tonaǵan
Bolady Ultym, beısharany kim deýge?..

ULTTAN QYMBAT KIMIŃ BAR?!.

Eseptelgen bodandyǵy «PUL» bolyp,
Tonalǵan Ult - Ar-Uıattan tul bolyp?
Basshysy da, qosshysy da Qazaqtyń
Jaralǵan ba, qulaq kesti qul bolyp?..
«Naǵyz Qazaq» – anaý ma ózi, men be ózi,
Beıshara qal, túsim, ıakı, óń be ózi?
Jaltań qaqqan qojaıynǵa burynǵy,
Qazaq Eli shyn Táýelsiz El me ózi?..

Beısharam-aı, «shúldir» qaqqan tiliń bar,
Eptep Ultqa keletindeı túriń bar.
Eı, orysqul, túsinbeımin men seni,
Ulttan qymbat, ulttan artyq kimiń bar?..

EŃ QIYN SURAQ!..

Tirshilikte ozǵan kimi, kim qalys?
Kimi taza jáne kimi bylǵanysh?
О́zim menen ózim qalsam ońasha
Bolady ylǵı estilgendeı bir daýys:

«- Ýaqyt jyldam ótedi dep nalyma,
Tek jaqsyny jaqyn usta janyńa.
Asyp, tasý – jaraspaıdy pendege
Rıza bol, búginińe, baryńa...».

Men bilmeımin, daýys qaıdan shyqqanyn,
Men bilmeımin, kimniń neden buqqanyn.
Men ony da aıta almaımyn tap basyp,
Kóp pe, az ba, uqpaǵannan uqqanym?..

QAIRAN ULTTYŃ MÚŃ-ZARY!..

...Tek alýdy artyq kórgen janynan,
Dep kim aıtar: «joǵy jaqsy barynan?..»
О́z jerinde ógeı bala - tek Qazaq,
Bul qorlyqtan qaıtsem, qalaı arylam?

Toıymsyz kim, quryp turar yndyny,
Áli alda ma ulttyń kórer sumdyǵy?
Bizdiń Qazaq uzaq jylǵy tepkiden
Ábden qajyp talǵandaı ma, shyndyǵy?

Surqaı tartyp, qý medıen dala da,
Kim úırengen beti qalyń jalaǵa?
Tek kirpigi qımyldaıtyn naýqastaı,
Qaıran ultta úmit quryp bara ma?

Bul jaǵdaıdyń kim túsinbes parqyn da,
Kim kóz satqan taý-taý baılyq - altynǵa?
Sál tyqyrdan, bozdap qoıa bererdeı,
Bir óksik jas keptele me alqymǵa?..

Erimesteı Alataýdyń muz-qary,
Tońdyrǵandaı qatygezdik yzǵary!
«Shyndyq!..»-degen jalǵyz sózden rasy
Estilmeı me qaıran ulttyń muń-zary?..

Avtor: Jumash Kókbóri

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir