Almatyda sybaılas jemqorlyqqa qarsy is-qımyl jónindegi komıssııanyń otyrysy ótkizildi

Qala ákimi Baqytjan Saǵyntaevtyń tóraǵalyǵymen qalalyq qurylymdardyń, kvazımemlekettik sektor, jobalyq keńseler, sybaılas jemqorlyqqa qarsy qyzmet ókilderiniń, sondaı-aq qoǵamdyq pikir kóshbasshylarynyń qatysýymen sybaılas jemqorlyqqa qarsy komıssııanyń otyrysy ótti.

Alqaly basqosýda jergilikti atqarýshy organdardyń 2018-2020 jyldarǵa arnalǵan sybaılas jemqorlyqqa qarsy strategııasyn iske asyrý jónindegi is-sharalar josparyn júzege asyrý máseleleri, sondaı-aq «Almaty – Adaldyq alańy» jobalyq keńsesi qyzmetiniń nátıjesi qaraldy.

Jalpy is-sharaǵa qatysýshylar sybaılas jemqorlyqtyń aldyn alý men ony joıýǵa baǵyttalǵan zamanaýı sybaılas jemqorlyqqa qarsy ulttyq saıasatty qalyptastyrý jolyndaǵy mańyzdy basymdyqtardy atap ótti.

QR Sybaılas jemqorlyqqa qarsy is-qımyl agenttiginiń parasattylyq departamentiniń dırektory Ǵanıjan Asanuly sybaılas jemqorlyq táýekelderin odan ári joıý maqsatynda normatıvtik-quqyqtyq baza men uıymdastyrýshylyq-basqarýshylyq qyzmettiń erekshelikterin zerdeleý arqyly ákimdikte sybaılas jemqorlyqtyń aldyn alý deńgeıin arttyrý qajettigin atap ótti.

Ákimniń orynbasary, «Almaty – adaldyq alańy» jobalyq keńsesiniń kýratory Erjan Babaqumarov joba keńsesi «Adaldyq alańy», «Adal kómek» jáne aqparattyq bilim berý shtaby» jobalary aıasynda qoǵam ókilderi men belsendi qaıratkerlerdi tarta otyryp, sybaılas jemqorlyqtyń aldyn alý jáne qoǵamdaǵy adaldyq ıdeologııasyn qalyptastyrý boıynsha aýqymdy jumystar júrgizip jatqanyn jetkizdi.

Sonymen qatar, jıynda ákimshilik quqyq buzýshylyq týraly kodeksi sheńberinde sybaılas jemqorlyqqa qarsy sharalardy qabyldamaǵany úshin menedjerlerdiń jaýapkershiligin arttyrý maqsatynda sybaılas jemqorlyqqa qarsy zańnamalyq jańalyqtar túsindirildi.

Sybaılas jemqorlyqqa qarsy zańnama maqsatty jáne dáıekti saıası modernızasııaǵa sáıkes halyqaralyq standarttardy eskere otyryp damýda.

Jıyn sońynda Baqytjan Saǵyntaev qalada sybaılas jemqorlyqtyń aldyn alýdy odan ári kúsheıtý, damýshy elimizdiń sybaılas jemqorlyqqa qarsy saıasatyna sáıkes ákimshilik rásimderdi retteýdi jetildirý boıynsha naqty tapsyrmalar berdi.